قىتايدا پايىزدىق مولشەرلەمە ءۇشىنشى رەت تومەندەتىلدى

استانا. قازاقپارات - قىتايدىڭ ورتالىق بانكى پايىزدىق مولشەرلەمەلەردى كەزەكتى رەت تومەندەتتى. وسىلايشا بۇل ەل قارىز كولەمىنىڭ وسۋىمەن جانە جىلجىمايتىن مۇلىك نارىعىنداعى ەكونوميكالىق ءوسىمنىڭ تومەندەۋىمەن كۇرەسۋگە تالپىنىس جاساۋدا.

حالىق بانك جىلدىق پايىزدىق مولشەرلەمەنى %0,25  دان %5,1  عا دەيىن، سونىمەن قاتار دەپوزيتتەر بويىنشا جىلدىق مولشەرلەمەنى دە %0,25  دان %2,25 عا دەيىن قىسقارتتى.

بۇدان باسقا ورتالىق بانك سالىمشىلاردىڭ تولەمدەر شەگىن كوتەرمەك. جەرگىلىكتى اقپارات قۇرالدارى بۇل قاراپايىم ازاماتتار ءۇشىن ۇلكەن جەڭىلدىك دەپ اقپارات تاراتۋدا.

دەگەنمەن، وسىنىڭ الدىندا پايىزدىق مولشەرلەمەنىڭ ەكى رەت تومەندەتىلۋى سوڭعى 25 جىلدا ءوسۋ قارقىنىن تەجەگەن ەل ەكونوميكاسىن قالپىنا كەلتىرۋگە وڭ ىقپال ەتە المادى. قىتاي ەكونوميكاسىنىڭ ەڭ قۋاتتى قوزعاۋشى كۇشتەرىنىڭ ءبىرى ەكسپورت كولەمى دە قۇلدىراپ بارادى. تۇتىنۋ باعالار يندەكسى دە وسۋدە. وتكەن ايدا بۇل باعام بىلتىرعى ءساۋىر ايىمەن سالىستىرعاندا %1,5 عا كوتەرىلگەن. اتالعان يندەكس - ەلدەگى ينفلياتسيانىڭ باستى كورسەتكىشى.

www.24.kz