09:34, 12 - مامىر 2015 | GMT +5
لوس-اندجەلەس اۋەجايىندا ۇشاق دوڭعالاقسىز قوندى
استانا. قازاقپارات - لوس-اندجەلەس قالاسىنىڭ حالىقارالىق اۋەجايىندا SkyWest Airlines اۋە كومپانياسىنىڭ ۇشاعى اپاتتىق جاعدايدا قوندى، دەپ جازادى جەرگىلىكتى ب ا ق- قا سىلتەمە جاساعان «گازەتا. uR».
ۇشاق تولىق شىعارىلماعان شاسسيمەن (دوڭعالاعىمەن) قوندى.
جولاۋشىلاردىڭ ايتۋىنشا، اۋە كەمەسىنىڭ كاپيتانى ۇشاقتى فيۋزەلياجعا قوندىرۋ شەشىمىن قابىلدادى. ۇشاقتىڭ قونباس بۇرىن اۋەجايدىڭ ۇشۋ-قونۋ جەلىسىنىڭ ۇستىنەن بىرنەشە رەت اينالۋىنا تۋرا كەلگەن.
ۇشاقتىڭ ىشىندە وتىرعان 40 جولاۋشى مەن ەكيپاجدىڭ ءۇش مۇشەسى زارداپ شەككەن جوق، دەپ جازادى باسىلىم.
