باكۋدە گۇلدەر مەرەكەسى ءوتتى - فوتو

باكۋ. قازاقپارات - ازەربايجاننىڭ كوشباسشىسى گەيدار اليەۆتىڭ 92 جاسقا تولۋىنا بايلانىستى 10- مامىردا باكۋدە گ. اليەۆ اتىنداعى سارايدىڭ الدىنداعى ساياباقتا گۇلدەر مەرەكەسى ءوتتى.

گۇلدەر مەرەكەسىنە پرەزيدەنت يلحام اليەۆ، ونىڭ جۇبايى مەحريبان اليەۆا مەن وتباسى مۇشەلەرى قاتىستى.

ساياباقتىڭ بارلىق اۋماعى ادەمى ويۋلار، وسىمدىكتەر، جاپىراقتارى بار گۇل كىلەمدەرىمەن بەزەندىرىلگەن. ءار الۋان گۇلدەرمەن قۇستاردىڭ، ەرتەگى كەيىپكەرلەرىنىڭ بەينەسى بەينەلەنگەن. ولار كوركەمدىگىمەن ەرەكشەلەنىپ، شەكسىز سۇلۋلىقتى پاش ەتىپ، ءار ادامعا كوتەرىڭكى كوڭىل سىيلادى.

ازەربايجاندا 92 جىلدىعىن اتاپ ءوتىپ جاتقان جالپى ۇلتتىق كوشباسشى گەيدار اليەۆتىڭ ەسكەرتكىشى ورناتىلعان تۇعىر دا گۇلمەن بەزەندىرىلدى.