زارينا دياس ريم تۋرنيرىنىڭ ەكىنشى اينالىمىنا شىقتى

استانا. قازاقپارات - قازاقستاننىڭ ءبىرىنشى راكەتكاسى زارينا دياس ريم تۋرنيرىنىڭ العاشقى اينالىمىندا بولگاريالىق تسۆەتانا پيرونكوۆامەن كەزدەستى.

چەمپيونات. كوم سايتىنان الىنعان مالىمەتكە قاراعاندا، زارينا قارسىلاسىن 7:5, 6:1 ەسەبىمەن ونشا قينالماي ۇتتى.

ەكىنشى اينالىمدا قازىرگى تاڭدا دۇنيەجۇزىلىك رەيتينگتە 34- ورىندا تۇرعان قازاقستاندىق تەننيسشى الەمنىڭ التىنشى راكەتكاسى، كانادالىق ەجەني بۋشارمەن شەبەرلىك بايقاسادى.

ايتا كەتەيىك، ريم تۋرنيرىنىڭ جۇلدە قورى 2,7 ميلليوننان استام ا ق ش دوللارىن قۇرايدى. بۇل «ۇلكەن دۋلىعانىڭ» ءبىرى «روللان گاروس» جارىسى الدىنداعى سوڭعى سىن بولىپ تابىلادى.

اۆتور: ەلجان ەرالى