17:32, 11 - مامىر 2015 | GMT +5
بەلگيا چەمپيوناتىندا تاعى ءبىر فۋتبولشىنىڭ الاڭدا جۇرەگى توقتاپ قالدى
استانا. قازاقپارات - بەلگيالىق «بەرسحوت- ۆيلريك» فۋتبول كلۋبىنىڭ 23 جاستاعى قورعاۋشىسى تيم نيكو ەس- ءتۇسسىز جاتىر، دەپ حابارلادى Voetbalkrant.
ويىنشى الاڭدا ەسىنەن تانىپ قۇلاپ، اۋرۋحاناعا جانساقتاۋ بولىمىنە جاتقىزىلدى. سپورتشىعا جۇرەك تالماسى دياگنوزى قويىلدى. قازىر نيكونىڭ جاعدايى تۇراقتى، ءبىراق اۋىر دەپ باعالانۋدا.
ەسكە سالساق، وسى جىلى ساۋىردە بەلگيادا «گەنكوم» كومانداسىمەن كەزدەسۋ ءوتىپ جاتقان ساتتە «لوكەرەننىڭ» 24 جاستاعى قورعاۋشىسى گرەگوري مەرتەنس تە الاڭدا جۇرەك تالماسىنان اجال قۇشقان بولاتىن.
