قىزىلوردا عالىمدارى كۇرىشتىڭ جاڭا سۇرىپىن ويلاپ تاپتى
دەپ حابارلايدى BNews.kz ءتىلشىسى.
«وبلىستا كۇرىشتىڭ جاڭا سۇرىپى قولدانىلا باستادى. جاڭا سۇرىپتى ەنگىزۋدىڭ ناتيجەسىندە ونىمدىلىك ارتتى. تاجىريبە كورسەتكەندەي، وسى سۇرىپتىڭ كومەگىمەن گەكتارىنان كەم دەگەندە 60 سەنتنەر ءونىم الۋعا بولادى»، - دەيدى ى. جاقايەۆ اتىنداعى قازاق كۇرىش شارۋاشىلىعى ع ز ي ديرەكتورىنىڭ ورىنباسارى اسەت توقتامىسوۆ.
قىزىلوردا وبلىسىنىڭ ديقاندارىنا جىل سايىن 21 مىڭ توننادان استام كۇرىش تۇقىمى قاجەت بولادى. قازىر ولار نەگىزىنەن رەسەيلىك سۇرىپتى قولدانىپ ءجۇر. جەرگىلىكتى ع ز ي ارال ماڭى كليماتىنا ءتوزىمدى سۇرىپقا ءبىرقاتار تاجىريبە جۇرگىزىپ، جوعارى ناتيجەگە قول جەتكىزدى. جاڭا سۇرىپ الداعى ۋاقىتتا جاپپاي ەگىلە باستايدى. قازىر كۇرىش شارۋاشىلىعىندا قولدانىلاتىن جەرگىلىكتى سۇرىپتاردىڭ ۇلەسى 30 پايىز كولەمىندە. كەلەسى جىلى بۇل كورسەتكىشتى 50 پايىزعا جەتكىزۋ جوسپارلانىپ وتىر.
