13:27, 11 - مامىر 2015 | GMT +5
چىڭ لۇڭ ءولىم جازاسىن قولدايدى
استانا. قازاقپارات- نانيان پوليتەحنيكالىق ۋنيۆەرسيتەتىنىڭ ستۋدەنتتەرى الدىندا ءسوز سويلەگەن اتاقتى اكتەر تىيىم سالىنعان زاتتارعا قاتىستى قىلمىستاردا ءولىم جازاسىن قولدايتىنىن جەتكىزدى.
«كەي جاعدايدا مەن شىنىمەن ءولىم جازاسىن قولدايمىن. مىڭداعان ادامعا، بالالارعا، جاسوسپىرىمدەرگە زيانىن تيگىزەتىن جاندار وتە كوپ. ونداي ادامدار جازاسىز قالماۋى كەرەك دەپ ەسەپتەيمىن»، - دەدى ول.
ەستەرىڭىزگە سالايىق، اكتەردىڭ ۇلى 2014 - جىلى پايدالانۋعا تىيىم سالىنعان زاتتاردى قولدانىپ، تاراتقانى ءۇشىن تۇتقىندالعان بولاتىن. دجەكي چان (چىڭ لۇڭ) ستۋدەنتتەر الدىندا وسى وقيعانى ەسكە الىپ، اعىنان جارىلدى. «مەن ەستىگەن ساتتە ابدىراپ قالدىم. الدىمەن اشۋعا بوي الدىردىم. وعان «سەن ەرەسەك جىگىتسىڭ» دەگەندى كوپ ايتاتىنمىن. كەيىن ءالى كۇنگە بالا ەكەنىنە كوزىم جەتتى»، - دەيدى، 114-تەن استام فيلمدە باستى ءرولدى سومداپ، الەم ەلدەرىنىڭ سۇيىكتىسىنە اينالعان اكتەر.
