جاپونياداعى حاكونە جانارتاۋى اتقىلاۋى مۇمكىن

استانا. قازاقپارات- جاپونيا استاناسىنىڭ ماڭىنداعى حاكونە جانارتاۋىندا 10 كۇننەن بەرى جەراستى دۇمپۋلەرى باسىلار ەمەس. مەتەورولوگتار جانارتاۋ اتقىلاۋى مۇمكىن دەپ حابارلادى.

قاۋىپتى ايماقتا شيپاجاي ورنالاسقان. دەمالۋشىلار قاۋىپسىز جەرگە كوشىرىلدى. جەرگىلىكتى بيلىك الاڭداۋعا ەش نەگىز جوق دەپ حابارلاپ وتىر.

سەيسمولوگتار كۇنىنە 100 گە جۋىق جەراستى ءدۇمپۋى بولاتىنىن انىقتادى. كولىك قوزعالىسى شەكتەلدى. جانارتاۋ 800 جىل بۇرىن اتقىلاعان. سوندىقتان ەشكىم قاۋىپ- قاتەر كۇتپەگەن. اسىرەسە كۋرورتتى ايماقتاعى قوناقۇي قوجايىندارى الاڭداۋلى. ويتكەنى جىل سايىن ءدال وسى مەكەنگە 20 ميلليون تۋريست كەلەدى. قازىر سەيسمولوگتار جەراستى دۇمپۋلەرىن ءجىتى باقىلاپ وتىر. ماماندار ءتىپتى تاۋدان تاس كوشكىنى بولۋى مۇمكىن ەكەندىگىن ەسكەرتۋدە.

نوبۋو ياماگۋچي، حاكونە قالاسىنىڭ مەرى:

- ءبىز الىپقاشپا اڭگىمەلەردىڭ تارالۋىن توقتاتۋىمىز كەرەك. ايتپەسە قالامىزداعى تۋريزم سالاسى زارداپ شەگۋى مۇمكىن.

www.24.kz