مىسىر الەمنىڭ جەتى كەرەمەتىنىڭ ءبىرىن قالپىنا كەلتىرمەكشى
دەپ جازادى شەتەلدىك ب ا ق.
قۇرىلىس جوباسى ماقۇلدانعان شامشىراق بۇرىن ورنالاسقان جەرىنە جاقىن جەردە فاروس ارالىنا سالىنادى.
قۇرىلىس سالۋشىلار ونى ماتىندىك سيپاتتاماسىنا نەگىزدەپ سالماق، سەبەبى ونىڭ بىردە- ءبىر سۋرەتى بىزگە دەيىن جەتكەن جوق.
الەكساندريا شامشىراعى ءوز زامانىنداعى ونەر مەن عىلىمنىڭ عاجايىپ ۇلگىسى بولىپ تابىلادى. بيىكتىگى 120 م شاماسىنداعى ءۇش قاباتتى مۇنارانىڭ ءبىرىنشى قاباتى وراسان زور شارشى كولەمدە اكتاستان تۇرعىزىلعان. ەكىنشى قابات سەگىز قىرلى مۇنارادان تۇرادى، ونىڭ سەگىز قىرى بەلگىلى سەگىز جەلدىڭ باعىتىنا قاراي ورنالاستىرىلعان.
