05:43, 11 - مامىر 2015 | GMT +5
التاي جەرىنەن الەمدەگى ەڭ ەجەلگى بىلەزىك تابىلدى
استانا. قازاقپارات - ارحەولوگتار التاي جەرىنەن تاپقان بىلەزىككە 40 مىڭ جىل بولعان. بۇل تۋرالى epochtimes.ru حابارلادى.
عالىمدار ونى التايداعى دەنيس ۇڭگىرىنەن تاۋىپ الىپتى. ەجەلگى اشەكەي بۇيىم جاسىل مينەرال حلوريتتەن قاشاپ جاسالعان ەكەن. ارحەولوگتار ونىڭ تەك عانا سالتاناتتى ساتتەردە تاعىلعاندىعىن العا تارتۋدا.
ال مامانداردىڭ ايتۋىنشا، بۇل بۇيىم سول كەزدەن كەيىن جاسالعانداردىڭ بارلىعىنان دا ساپالى ەتىپ وندىرىلگەن.
بىلەزىكتى تاريحتا «دەنيس ادامى» دەگەن اتاۋمەن قالعان ادامزات ۇرپاقتارى تاققان ەكەن. ولار شامامەن 40 مىڭ جىل بۇرىن جەر بەتىنەن جوعالىپ كەتكەن. عالىمدار ازىرگە بۇل ادامدار تۋرالى كوپ بىلمەيدى. سەبەبى ونىڭ سۇيەكتەرى وتە از تابىلعان.
دايىنداعان: گ. ابيلوۆا
www.24.kz
