كوزى بايلاۋلى شاحماتشى ءۇش بيزنەسمەندى ءبىر ۋاقىتتا ۇتتى

استانا. قازاقپارات - شاحماتتان الەم چەمپيونى ماگنۋس كارلسەن كوزى بايلانعان كۇيى ءۇش بىردەي امەريكالىق بيزنەسمەندى جەڭىپ شىقتى.

بۇل تۋرالى epochtimes.ru حابارلايدى. گروسسمەيستەر نيۋ-يوركتەگى ەكونوميكالىق كونفەرەنتسيا كەزىندە ءۇش بيزنەسمەنمەن ءبىر ۋاقىتتا شاحمات ويناعان.

ونىڭ قارسىلاستارى شاحمات تۋرنيرلەرىنە قاتىسىپ تۇراتىن اۋەسقويلار بولىپ شىقتى. سپورتشىنىڭ ءار پارتياعا تەك 9 مينۋتتان عانا ۋاقىتى بولىپتى.

ءبىراق سوعان قاراماستان، ول ءبارىن جەڭگەن. 24 جاستاعى ماگنۋس كارلسەن ۋاقىت تاپشىلىعىنا بايلانىستى ويىننىڭ قيىن دا قىزىقتى بولعاندىعىن ايتىپتى. ماگنۋس كارلسەن 2013-جىلدان باستاپ، شاحماتتان الەم چەمپيونى بولىپ تابىلادى.

www.24.kz