قازاقستاننىڭ اسكەري قىزمەتشىلەرى ب ۇ ۇ مەدالىمەن ناگرادتالدى
بىرىككەن ۇلتتار ۇيىمىنىڭ باتىس ساحارداعى (MINURSO) رەفەرەندۋمدى وتكىزۋ كەزىندەگى بەيبىتشىلىك پەن قاۋىپسىزدىكتى قولداۋ جونىندەگى بىتىمگەرشىلىك ميسسياسىن ورىنداۋ بارىسىندا قازاقستاندىق وفيتسەرلەر كاپيتان باقتيار اقبالايەۆ پەن كاپيتان تەمىرلان ءمۇساپىروۆ ب ۇ ۇ مەدالىمەن ناگرادتالدى.
ەستەرىڭىزگە سالا كەتسەك، 2014-جىلدىڭ شىلدەسىنەن باستاپ قازىرگى ۋاقىتقا دەيىن «قازبريگ» قازاقستاندىق بىتىمگەرشىلىك بريگاداسىنىڭ 4 وفيتسەرى باتىس ساحاراداعى رەفەرەندۋمدى وتكىزۋ كەزىندەگى بەيبىتشىلىك پەن قاۋىپسىزدىكتى قولداۋ جونىندەگى ب ۇ ۇ ميسسياسىندا باقىلاۋشىلار رەتىندە قىزمەت اتقارۋدا.
بۇدان باسقا قازاقستان رەسپۋبليكاسى قارۋلى كۇشتەرىنىڭ 2 وفيتسەرى اعىمداعى جىلدىڭ ناۋرىزىنان باستاپ كوت- د'يۆۋارداعى بۇۇ بىتىمگەرشىلىك ميسسياسىندا(UNOCI) اسكەري باقىلاۋشى رەتىندە قىزمەت اتقارۋدا. ق ر پارلامەنتىنىڭ 2013-جىلعى 20- جەلتوقسانداعى قاۋلىسىنا سايكەس قازاقستان رەسپۋبليكاسى قارۋلى كۇشتەرى قۇرامىنان ب ۇ ۇ بىتىمگەرشىلىك ميسسيالارىنىڭ اسكەري باقىلاۋشىلارى رەتىندە 20 اسكەري قىزمەتشى ىرىكتەلىپ، گايتيدە، باتىس ساحارادا، كوت-د'يۆۋاردا جانە ليبەريادا قىزمەت وتكەرۋگە دايارلاندى. قازىرگى ۋاقىتتا باتىس ساحارداعى (MINURSO) ب ۇ ۇ بىتىمگەرلىك ميسسياسىنا «قازبات» قازاقستاندىق بىتىمگەرشىلىك باتالونىنان ءبىر وفيتسەردى اسكەري باقىلاۋشى رەتىندە جىبەرۋ جونىندەگى جۇمىستار جۇرگىزىلۋدە.
BNews.kz
