قازاقستاندا جاڭا تۇرعىن ۇيلەردىڭ باعاسى از مولشەردە ارزاندادى

استانا. قازاقپارات - ساۋىردە قازاقستاندا جاڭا تۇرعىن ۇيلەردىڭ باعاسى از مولشەردە ارزاندادى. بۇل دەرەكتى ق ر ۇ ە م ستاتيستيكا كوميتەتى كەلتىردى.

«2015-جىلى ساۋىردە وتكەن ايمەن سالىستىرعاندا، تۇرعىن ءۇيدى جالعا الۋ قۇنى 0,5 پايىزعا ارتقان، اباتتاندىرىلعان تۇرعىن ۇيلەردى قايتا ساتۋ باعاسى - 0,5 پايىزعا، اباتتاندىرىلماعان ءۇي - 0,4 پايىزعا، جاڭا ءۇي ساتۋ - 0,2 پايىزعا تومەندەگەن»، - دەلىنگەن حابارلامادا.

ساۋىردە جاڭا ءۇيدىڭ ءبىر شارشى مەترىنە باعا رەسپۋبليكا بويىنشا ورتاشا 225084 تەڭگەنى قۇراسا، اباتتاندىرىلعان تۇرعىن ءۇيدى قايتا ساتۋ - 173345 تەڭگەنى، اباتتاندىرىلماعان ءۇيدى ساتۋ - 100659 تەڭگەنى قۇراعان. اباتتاندىرىلعان تۇرعىن ءۇيدى جالعا الۋدىڭ ورتاشا اقىسى - 1259 تەڭگە.