جەڭىس كۇنى مەرەكەسىنە ارنالىپ ات جارىسى وتكىزىلدى - الماتى وبلىسى
5 شاقىرىمعا تاي جارىسى، 9 شاقىرىمعا قۇنان بايگە، 15 شاقىرىمعا توپ بايگە، 7 شاقىرىمعا جورعا جارىس جانە 21 شاقىرىمعا الامان بايگە وتكىزىلدى.
سونىمەن قاتار شارا بارىسىندا قازاقتىڭ ۇلتتىق سپورتتىق ويىنى كوكپاردان الماتى وبلىسىنىڭ چەمپيوناتى ۇيىمداستىرىلىپ، قىز قۋۋ، تەڭگە ءىلۋ، اۋدارىسپاقتان كورسەتىلىمدەر بولدى.
وبلىستىڭ 11 اۋدانىنىڭ كوماندالارى قاتىسقان كوكپار ويىنىندا قاراساي اۋدانىنىڭ كومانداسى ۇزدىك ونەر كورسەتىپ، ءبىرىنشى ورىندى يەلەندى. پانفيلوۆ جانە ەسكەلدى اۋدانىنىڭ ويىنشىلارى ەكىنشى، ءۇشىنشى ورىندارعا تابان تىرەدى.
قۇنان بايگەنىڭ باس جۇلدەسىن جامبىل اۋدانى يەلەنسە، 33 سايگۇلىك قاتىسقان توپ بايگەدە شىعىس قازاقستاندىق جاس شاباندوز جەڭىمپاز اتاندى. جورعا جارىسىندا استانا قالاسىنان كەلگەن تۇلپار جۇلدەگەر اتاندى.
جينالعان قاۋىم اسىعا توسقان 21 شاقىرىمدىق الامان بايگەنىڭ باس جۇلدەسى كەربۇلاق اۋدانىنان كەلگەن «ساعىم» اتتى سايگۇلىككە بۇيىردى. Ⅱورىن الماتى قالاسىنا، Ⅲ ورىن جامبىل اۋدانىنان كەلگەن شاباندوزعا بۇيىردى. جارىس جەڭىمپازدارىنا 5 جەڭىل اۆتوكولىك جانە اقشالاي سىيلىقتار بەرىلدى.
