باتىس قازاقستان وبلىسى تەرەكتى اۋدانىندا ارداگەرلەر ءۇيى اشىلدى - فوتو
بۇرىن مۋزىكا مەكتەبى ورنالاسقان ەسكى عيمارات اۋداندىق بيۋدجەتتەن بولىنگەن قارجىعا تولىقتاي كۇردەلى جوندەۋدەن وتكىزىلدى. جاڭا عيمارات بارلىق كەرەكتى قۇرال-جابدىقتارمەن جاساقتالعان، عالامتور جەلىسىنە قوسىلعان. سونىمەن قوسا شاحمات پەن دويبى، توعىزقۇمالاق وينايتىن، گازەت-جۋرنالدار وقيتىن بولمەلەر دە بار. اۋداندىق ارداگەرلەر كەڭەسىنىڭ ءتوراعاسى ءسالىم كۋكاشيەۆتىڭ سوزىنە قاراعاندا، مۇندا ارداگەرلەر باس قوسىپ قانا قويماي، جاستارعا ءتالىم-تاربيە دە بەرە الادى.
سونىمەن قاتار مەرەكە اياسىندا اۋداندىق مادەنيەت ۇيىندە ۇلى جەڭىسكە ارنالعان بۇرىش اشىلدى. وندا اۋدانداعى بارلىق مايدانگەردىڭ ەرلىگى مەن ءومىر جولدارى ورىلگەن تاقتايشالار، اۋداننان شىققان كەڭەس وداعى باتىرلارىنىڭ شاعىن مۇسىندەرى، سوعىس كەزىندەگى قارۋ-جاراقتار مەن ىدىس-اياقتار ورنالاستىرىلعان.
اۋدان اكىمى جەڭىس سەرىكقاليەۆتىڭ ايتۋىنشا، الداعى ۋاقىتتا اتالعان بۇرىشتى كەڭەيتىپ، مۇراجاي اشۋ ويلاستىرىلماق.
اۆتور: ەلجان ەرالى
