16:23, 10 - مامىر 2015 | GMT +5
جاپونيادا ەكىنشى دۇنيەجۇزىلىك سوعىستان قالعان سنارياد زالالسىزداندىرىلدى
استانا. قازاقپارات - سەنبى كۇنى جاپونيانىڭ وساكو قالاسىندا ەكىنشى دۇنيەجۇزىلىك سوعىس جىلدارى امەريكاندىق اسكەري اۋە كۇشتەرى تاستاعان دەپ شامالاناتىن سنارياد زالالسىزداندىرىلدى، دەپ حابارلايدى ت ا س س.
ۇزىندىعى 1,8 مەترگە جەتەتىن سنارياد ناۋرىز ايىندا قالانىڭ اۋداندارىنىڭ بىرىنەن تابىلعان ەدى. 9- مامىر كۇنى تاڭەرتەڭ ساپەرلەر اۆياتسيالىق بومبانى زالالسىزداندىرۋ ءۇشىن جاقىن ماڭداعى اۋدانداردان 2 مىڭنان استام تۇرعىنداردى قاۋىپسىز جەرلەرگە شىعاردى.
بۇل ءىستى جۇزەگە اسىرۋ ءۇشىن راديۋسى شامامەن 300 مەترگە جەتەتىن اۋماق قورشاۋعا الىنىپ، تاياۋ ماڭداعى تارماقتارداعى پويىزداردىڭ قوزعالىسى شەكتەلدى.
ەكىنشى دۇنيەجۇزىلىك سوعىستا ا ق ش اۆياتسياسىنىڭ جويقىن سوققىسىن باستان كەشىرگەن جاپونيادا ءالى كۇنگە دەيىن سول سۇراپىل كەزىندە تاستالعان، ءالى كۇنگە دەيىن جارىلماعان سناريادتار تابىلۋدا.
