العاش رەت ادامنىڭ كوزىنەن ەبولا ۆيرۋسى انىقتالدى

استانا. قازاقپارات - دجوردجيا شتاتىنىڭ اتلانتا قالاسىنداعى ەموري ۋنيۆەرسيتەتىنىڭ عالىمدارى ادامنىڭ كوزىنىڭ ىشىندەگى سۇيىقتىقتان ەبولا ۆيرۋسىن انىقتادى، دەپ جازادى بەلتا.

ولاردىڭ ايتۋىنشا، سەررا-لەونەدە د د س ۇ جەلىسى بويىنشا ەبولامەن كۇرەسۋگە جاردەمدەسكەن امەريكاندىق دارىگەر يان كروزەدەن اتالمىش دەرت 2014-جىلدىڭ قىركۇيەگىندە انىقتالعان. ەموري ۋنيۆەرسيتەتىنىڭ ماماندارى ونى ەمدەپ جازعان، الايدا، ەكى ايدان سوڭ دارىگەر ءبىر كوزىنىڭ قابىنىپ اۋىرعانىنا شاعىمدانعان. اتالمىش ۋنيۆەرسيتەتتە جۇرگىزىلگەن زەرتتەۋلەر ناتيجەسىندە ونىڭ كوز ىشىندەگى سۇيىقتىعىندا ەبولا ۆيرۋسىنىڭ بار ەكەنى انىقتالدى.

مەديكتەردىڭ ايتۋىنشا، كروزەدەن باسقا ادامدار اۋرۋدى جۇقتىرۋى مۇمكىن ەمەس، ويتكەنى، ونىڭ كوز جاسى مەن ۇلپالارىندا ۆيرۋس جوق. ول قازىر ەمدەلىپ، اۋرۋىنان ايىعىپ كەلەدى.

جالپى، ەپيدەميا باستالعالى گۆينەيا، ليبەريا جانە سەررا-لەونەدە 11005 ادام قازا تاپتى، 26593 ادام اتالعان ۆيرۋستى جۇقتىردى. دەرت مالي، نيگەريا، سەنەگال، يسپانيا، ۇلى بريتانيا جانە ا ق ش- تا دا تىركەلگەن.