15:40, 10 - مامىر 2015 | GMT +5
زينەدين زيدان باپكەر ديپلومىن يەلەندى
استانا. قازاقپارات - ايگىلى فرانسۋزدىق فۋتبولشى، 1998-جىلعى الەم چەمپيونى جانە 2000-جىلعى ەۋروپا چەمپيونى زينەدين زيدان Pro ساناتى بويىنشا باپكەرلىك ليتسەنزيانى يەلەندى.
ەندى ول ءوز بەتىنشە جاتتىقتىرۋشىلىق قىزمەتپەن اينالىسا الادى، دەپ حابارلايدى شەتەلدىك ب ا ق.
«جاتتىقتىرۋشى ليتسەنزياسىن يەلەنگەنىمدى ماقتان تۇتامىن. ميسسيام ورىندالدى»، دەپ جازادى سپورتشى ءوزىنىڭ Instagram-داعى پاراقشاسىندا.
ەسكە سالا كەتەيىك، «رەال» ف ك بۇرىنعى ويىنشىسى وتكەن جىلدىڭ قازان ايىندا مادريدتىك كلۋبتىڭ جاستار قۇراماسىن باسقارىپ جۇرگەنىندە ليتسەنزياسىز جۇمىس جاساعانى ءۇشىن ءۇش اي مەرزىمگە بىلىكتىلىگىنەن ايىرىلعان ەدى. ارتىنشا، بۇل ديسكۆاليفيكاتسيا يسپانيانىڭ سپورت مينيسترلىگىنىڭ اپپەلياتسيالىق كوميتەتىنىڭ شەشىمىنە دەيىن كەيىنگە قالدىرىلدى.
1998، 2000، 2003-جىلدارى ف ي ف ا- نىڭ «الەمنىڭ ۇزدىك فۋتبولشىسى» ماراپاتىن يەلەنگەن زينەدين قازىر «رەالدىڭ» جاستار قۇراماسىن جاتتىقتىرادى.
