تۋفليىن لاقتىرىپ، قازاقتى سىيلاماعان يۋلدۋز ۋسمانوۆانى نەگە اسپەتتەدىك؟
تەلەديداردان ءبىر اي بويى جارنامالانعان وزبەك ءانشىسى يۋلدۋز ۋسمانوۆانىڭ كونتسەرتىن 11 - ءساۋىر كۇنى «31 ارنادان» كوردىم. كونتسەرتتە تەك وزبەكشە اندەر عانا ايتىلسا دا، جينالعان قاۋىمدا ەسەپ جوق. ءسوزىن، ونىڭ ماعىناسىن تىپتەن تۇسىنبەسە دە، اۋەنگە ەلتىپ ۇيرەنگەن كەڭ قولتىق قازاق ەمەسپىز بە؟ قازاقستانعا كەلىپ، كونتسەرت قويعاندا كورەرمەنىن سىيلاسا، قازاق حالقىن قۇرمەت تۇتسا، قازاقشا ءبىر- ەكى ءان نەگە ايتپادى؟ كيەلى ساحنادا ونەر كورسەتكەن كىم بولسا دا، مادەنيەتتىلىككە، ساحنادا ءوزىن- ءوزى ۇستاۋ مانەرى دەگەن ۇعىمدارعا باسا كوڭىل ءبولۋ كەرەك. «31 ارنا» داڭقىن سونشا اسىرعان يۋلدۋزدىڭ كونتسەرتىن تەلەديداردان كورگەننىڭ وزىندە ەش تارتىمدىلىق، اسەمدىك اڭعارا المادىم. مۋزىكانتتاردىڭ كيگەن كوستيۋمدەرى تىم الاباجاق: شاقپاق كويلەك پەن قوڭىر ءتۇستى شالبار. كونتسەرتتىڭ باسىنان اياعىنا دەيىن سول كوستيۋم. ال اتاقتى دەگەن ءانشىنىڭ كيگەن كيىمى دە كوڭىلگە قونىمدى ەمەس. يۋلدۋز ۋسمانوۆا حانىمنىڭ سوڭعى كيگەنى شالبار مەن كەۋدەشە بولدى. بوكسەسى بۇلتيىپ، شالبارمەن اتىپ شىققاندا حالىق الدىنا ءانشى ەمەس، تراكتورشى ايەل شىققانداي اسەر بەردى. اياعىنا قىسقا قونىشتى ەتىك كيىپتى. «جاسىم ەلۋ بىردە» دەگەن انشىگە مىناداي كيىم تىم ەرسى كورىنەدى ەكەن. كەۋدەشەسىن كەرىپ، شالبارمەن شىرەنىپ جۇرگەن كۇيىندە بەس- التى ءان ورىندادى. ءانشىنىڭ تاڭ قالدىرۋى مۇنىمەن شەكتەلمەدى. تاعى ءبىر كوزگە قوراش كورىنگەنى - كويلەك كيىپ الىپ، تۋفليىن لاقتىرىپ تاستاپ، ساحنادا جالاڭ اياق بيلەۋى. مۇسىلمان ايەلدىڭ ەتەگىن كوتەرىپ، جالاڭاش دەنەسىن كورسەتپەۋى ءتيىس قاعيداسى قايدا قالدى؟ «وزىمەن بىرگە ەرتىپ كەلدى» دەگەن مۋزىكانت جىگىتتەرى ساحناعا ءتىزىلىپ تۇرىپ، ەلگە ءجۇزىن ەمەس، ارتىن قاراتىپ، ەداۋىر ۋاقىت سەكىرىپ بيلەگەنسىدى. ەگەر قازاق انشىلەرىنىڭ ءبي توپتارى وسىنداي ەرسى قىلىققا بارسا، سول ساتتە- اق سىن مەن ءمىننىڭ استىندا قالار ەدى! ال قوناققا كەلگەن وزبەك ونەرپازدارىنىڭ قاي قىلىعى بولسىن قالىڭ كورەرمەننىڭ قوشەمەتىنە يە بولدى. وسىنداي كوپتەگەن كەلەڭسىز قىلىقتارى بولا تۇرا، ءبىزدىڭ ەلگە كەلىپ، كورەرمەندەرىن نەسىمەن باۋراپ الدى ەكەن؟ ! جارناماسى جەر جاردى ما، الدە قازاق انشىلەرىنەن شەتەلگە تەلمىرۋدى تىم ۇناتاتىن باياعى قارابايىر قازاقىلىق پا؟ !
نە كورسەك تە، «31 ارنادان» ءۇندىنىڭ تەلەحيكايالارىن، وزبەكتىڭ ءبىز كورمەگەن ءانشىسىن كورىپ جاتىرمىز. جۋىردا ماقپال ءجۇنىسوۆانىڭ فيلم- كونتسەرتىن وسى ارنادان كورىپ، ءبىر جاساپ قالىپ ەدىك. ال بۇل جولعى فيلم- كونتسەرت يۋلدۋزدىڭ ساحنا سىرتىندا رەسمي تىلدە عانا ايتقان «اقىل- كەڭەستەرىنە» تولى بولدى. قارجىنى جاقسى تولەدى مە، كىم ءبىلسىن، ارنا تىلشىلەرى ءانشىنىڭ اتاعىن تىم اسىرىپ، قاتتى قالىقتاتتى. ءانشى سەرىكبول سايلاۋبەك ساحناعا شىعىپ، بار داۋسىمەن: «ورتا ازيانىڭ پريمادونناسى - يۋلدۋز ۋسمانوۆا!» - دەپ داقپىرتتاي حابارلاعان ەدى كونتسەرت باسىندا. ورتا ازيانىڭ پريمادونناسى مىناۋ بولسا، سوندا قازاق حالقىنىڭ جەزتاڭداي انشىلەرى - روزا باعلانوۆا، بيبىگۇل تولەگەنوۆا، قازىر ارامىزدا جۇرگەن روزا رىمبايەۆا مەن ماقپال ءجۇنىسوۆالاردىڭ كىم بولعانى؟
«31 ارنا» وزبەك انشىسىنە فيلم- كونتسەرت ارناپ، سونشا اسقاقتاتاتىنداي يۋلدۋز كىم ەدى؟ وسىنداي قىلىقتارىمەن شىڭعىرا ايقايلاپ، جالاڭ اياق سەكىرىپ، ءوز تىلىندە عانا ءان ايتقان ۋسمانوۆا حانىم قازاققا نە بەردى؟ كورەرمەن قاۋىم وسى كونتسەرتتەن نە الدىق دەپ تارقاستى ەكەن؟
كيەلى قازاق ساحناسىنا شەتەلدەن كىمدەر كوتەرىلمەي جاتىر؟ ! تەك ءبىز سول كەلگەندەرگە جوعارى تالعاممەن ءارى بيىك تالاپپەن قارايىقشى... قازاق ساحناسىن سىيلاعاندارعا قۇرمەت- قوشەمەتتى ايامايىق! ساحنامىزدى سىيلاماعانداردى پريمادوننا تۇتىپ اداسپايىقشى! «ايتپاسا، ءسوزدىڭ اتاسى ولەدى» دەمەكشى، مەن كوڭىلىمدەگى تۇيتكىلدەردى ايتتىم. قورىتىندى شىعارۋ ءار وقىرماننىڭ كوڭىل كوكجيەگىندە.
گۇلجاۋار جۇماجانوۆ
altyalash.kz
