يسلام كاريموۆ ماسكەۋدەگى اسكەري پارادقا قاتىسا ما؟
وزبەكستان پرەزيدەنتىنىڭ باسپا ءسوز قىزمەتى كاريموۆتىڭ ماسكەۋگە رەسەي پرەزيدەنتى ۆلاديمير پۋتيننىڭ «شاقىرۋىمەن كەتكەنىن» ايتادى. ءبىراق باسپا ءسوز قىزمەتى كاريموۆتىڭ ماسكەۋدەگى اسكەري پارادقا قاتىساتىنى «ازىرگە بەلگىلى ەمەس» دەيدى.
5 - مامىردا وزبەكستان سىرتقى ىستەر مينيسترلىگىندەگى دەرەككوز ازاتتىقتىڭ وزبەك قىزمەتىنە كاريموۆتىڭ 9- مامىردا ماسكەۋدەگى اسكەري پارادقا بارمايتىنىن حابارلاعان.
ءبىراق 7 - مامىردا كرەملدىڭ باسپا ءسوز قىزمەتى كاريموۆ پۋتيننىڭ شاقىرتۋىن قابىل الىپ، 9 - مامىردا ماسكەۋدە جەڭىس كۇنىنە ارنالعان مەرەكەلىك شارالارعا قاتىساتىنىن حابارلاعان.
وزبەكستان 1999 - جىلدان بەرى 9 - مامىردى جەڭىس كۇنى رەتىندە مەرەكەلەمەيدى. بۇل مەرەكە ەسكە الۋ جانە ازا تۇتۋ كۇنى دەپ وزگەرتىلگەن. ءداستۇر بويىنشا، بۇل كۇنى وزبەكستاندا سوعىسقا قاتىسقاندارعا مەرەكەلىك مەدالدەر مەن ناگرادالار بەرىلەدى. تاشكەنتتەگى الاڭعا سوعىس جانە تىلداعى ەڭبەك ارداگەرلەرى، ۇكىمەت مۇشەلەرى، دەپۋتاتتار مەن سەناتورلار، اسكەريلەر مەن قوعام وكىلدەرى جينالادى.
«ازاتتىق» راديوسى
