قازاقستاندىق جۇلدىزداردىڭ ونەر كورسەتۋى قانشا تۇرادى؟
جارتى ساعاتتىق ونەر كورسەتۋى ءۇشىن ەڭ كوپ اقشا الاتىن ءانشى - قايرات نۇرتاس. ونى ءوز مەرەكەڭە ءان ايتۋعا شاقىرۋ 8-10 مىڭ دوللارعا اينالادى. ال روزا رىمبايەۆا بولسا ءسال ازىراق سۇرايدى. ءانشى ونەرى ءۇشىن 6 مىڭ دوللار الادى ەكەن. ۇزدىك ۇشتىككە نۇرلان ابدۋللين كىردى. ول جان داۋىسپەن ءان شىرقاعانىنا 5-6 مىڭ دوللار سۇرايدى.
لۋينا مەن ءدىلناز احماديەۆا بولسا ورتاڭعى شەپتەن كورىندى. لۋينانىڭ 30 مينۋتتىق ونەرى 1 ميلليونعا، ياعني 5376 دوللارعا باعالانادى. ال ءدىلناز احماديەۆانىڭ سۇراۋى ءسال تومەنىرەك بولىپ شىقتى. ءانشى 5 مىڭ دوللار الادى.
بۇركىت، «كەشu" y» مەن بەيبىت قورعان 4 مىڭ دوللارعا ونەر كورسەتۋگە دايىن ەكەن. «ۇركەر» توبى بولسا ءان شىرقاۋىنا 3 مىڭ دوللار الادى.
تىزىمدەگى ەڭ قولجەتىمدى ءانشى اسحات تارعىنوۆ بولىپ شىقتى. ول ءوز ونەرىن 2 مىڭ دوللارعا باعالاپ وتىر.
باسىلىم تىلشىلەرى بۇل تەك كەشتە انشىلەردىڭ ونەر كورسەتۋى ءۇشىن ۇسىنىلعان باعالار ەكەنىن اتاپ ءوتتى. ولاردى وزگە قالاعا شاقىرۋ ءۇشىن قوسىمشا جول شىعىنىن وتەك قاجەت.
Nur.kz
