مينسكىدە ەكى قازاقستاندىق بوكسشى حالىقارالىق تۋرنير فينالىنا شىقتى

استانا. قازاقپارات - ەرجان جومارت (49 كەلىگە دەيىن) جانە ەركىن مۇحامەدجان (91 كەلىگە دەيىن) كەڭەس وداعىنىڭ باتىرى ۆيكتور ليۆەنتسيەۆكە ارنالعان مينسك تۋرنيرىنىڭ فينالىنا شىقتى.

بۇل تۋرالى قازاقستاندىق بوكس فەدەراتسياسىنىڭ باسپا ءسوز قىزمەتى حابارلادى.

قورىتىندى جارىستا ەرجان تۇركيا بوكسشىسىمەن، ەركىن وزبەكستاننان كەلگەن بوكسشىمەن شىعادى.

ابىلايحان ءجۇسىپوۆ (64 كەلىگە دەيىن) پەن شايمۇرات قۇسايىنوۆ (81 كەلىگە دەيىن) جارتىلاي فينالدا قارسىلاستارىنا جول بەرىپ، قۇرمەت تۇعىرىندا ءۇشىنشى ورىننان كورىنەتىن بولدى.

تۋرنيرگە بارلىعى 10 ەلدەن 85 بوكسشى قاتىسۋدا.