استانا تۇرعىنى ۇيىندە روبوت قۇراستىردى - فوتو، كەسكىن
روبوت كۆازاردى قۇراستىرعان 23 جاستاعى ءانۋار شايمەرگەنوۆتىڭ ايتۋىنشا، ت م د- دا مۇنداي روبوت جوق.
روبوتتىڭ بويى - 2,4 مەتر. شايمەرگەنوۆتىڭ سوزىنە قاراعاندا، كۆازار ءجۇرىپ قانا قويماي، قالجىڭداپ، ءان ايتىپ، بيلەپ ءتىپتى ەموتسياسىن كورسەتە الادى. سوڭعى فۋنكسيانى ورىنداۋ ءۇشىن قۇراستىرۋشى اندرويدتى بەتتىڭ قوزعالمالى بولىكتەرىمەن جابدىقتاعان، ياعني جاق پەن قاس قويعان.
استانالىقتىڭ ايتۋىنشا، ونىڭ روبوتى ينتەرنەتتە اسا تانىمالدىققا يە بولىپ ۇلگەرگەن ايگىلى تيتانعا ۇقسايدى. ايتا كەتەيىك، تيتاندى ۇلى بريتانيالىق Cyberstein Robots Ltd كومپانياسى جاسادى جانە ول بىرنەشە شوۋ مەن تەلەجوباعا قاتىستى.
كۆازاردى جاساۋعا شامامەن ءتورت اي ۋاقىت كەتكەن. شايمەرگەنوۆتىڭ ايتۋىنشا، ول دايىن ميكرو سحەمالاردى قولدانىپ، بىرنەشە ءان مەن قالجىڭدى سالىپ، روبوتتى باعدارلامالاعان. روبوتتى قاشىقتان نوۋتبۋك ارقىلى باسقارۋعا بولادى. ەگەر وعان ميكروفون قوسسا، ول ادامدارمەن سويلەسە الادى. روبوتتى قۇراستىرۋشىنىڭ ايتۋىنشا، كۆازار استاناداعى Asia Park ويىن-ساۋىق - ساۋدا ۇيىندە شوۋعا قاتىسادى. شارا بالالاردى قورعاۋ كۇنى قارساڭىندا، 30- مامىردا وتەدى. روبوت قوناقتاردى قارسى الىپ، ولارمەن سويلەسەدى.
tengrinews.kz
