قازاقستاندا تۇسىرىلگەن ۇشقىشتار تۋرالى فيلم بۇگىن كورەرمەنگە جول تارتادى - كەسكىن
جاڭا تۋىندى ك ت ك ارناسىندا كەشكى ساعات 21:30 دا كورسەتىلەدى.
«جوعارى قۇلاۋ» (پادات ۆۆەرح) كوپ سەريالى اسكەري-شىتىرمان وقيعالى دراماسى ەكى مارتە كەڭەس وداعىنىڭ باتىرى تالعات بيگەلدينوۆ پەن باسقا دا ۇشقىشتاردىڭ ادەبي شىعارمالارىنىڭ نەگىزىندە تۇسىرىلگەن.
باستى رولدەردى ەسىم سەگىزبايەۆ، ەلينا شاكەيەۆا، يۋري كاپۋستين، ەربول سەمقۇلوۆ سومدايدى. فيلم الماتى ماڭايىندا تۇسىرىلگەن. كوركەم تۇسىرىلىمنەن باسقا تاريحي كادرلار دا پايدالانىلدى.
فيلمنىڭ رەجيسسەرى ەرمەك تۇرسىنوۆتىڭ ايتۋىنشا، بۇل كوركەم فيلم - جەڭىستىڭ 70 جىلدىعى قارساڭىندا ارداگەرلەرگە ارنالعان تارتۋ بولماق. باتىر ارداگەرلەرگە ءجاي عانا قۇرمەت كورسەتۋ از، وتان سوعىسىنىڭ باتىرلارىنىڭ ەرلىكتەرى ءبىزدىڭ جۇرەكتەرىمىزدە ماڭگى قالۋى كەرەك.
فيلمنىڭ پرومو روليگىن مىنا جەردەن كورە الاسىز:
اۆتور: گۇلميرا عوسمانالي
