قىتاي جىبەك جولى ەكونوميكالىق بەلدەۋىن قۇرۋدى قازاقستاندىق «نۇرلى جول» ستراتەگياسىمەن ۇيلەستىرە جىلجىتۋعا نيەتتى - قىتايلىق ب ا ق

استانا. قازاقپارات - ق ح ر ءتوراعاسى شي جينپيننىڭ ق ر- عا ساپارى قىتاي مەن قازاقستان اراسىنداعى ءوزارا ءتيىمدى ىنتىماقتاستىقتى تەرەڭدەتىپ، ەۋرازيا كەڭىستىگىندە جىبەك جولى ەكونوميكالىق بەلدەۋىن (ج ج ە ب) سالۋعا جاڭا قارقىن بەرەدى، دەپ جازادى شينحۋا اگەنتتىگى.

ق ر پرەزيدەنتى ن. نازاربايەۆپەن كەزدەسۋ بارىسىندا شي جينپين 2013-جىلعى قىركۇيەكتە جۇمىس ساپارى ۋاقىتىندا ول العاش رەت قازاقستاندا جىبەك جولى ەكونوميكالىق بەلدەۋىن قۇرۋ باستاماسىن بىلدىرگەنىن اتاپ ءوتتى.

«ءبىر جارىم جىلداي ۋاقىت ىشىندە قىتاي مەن قازاقستان بۇل بەلدەۋدى قۇرۋ جولىندا العاشقى ناتيجەلەرگە قول جەتكىزدى، قىتايلىق تاراپ بۇل فاكتىنى جوعارى باعالايدى. قىتاي قازاقستاندىق «نۇرلى جول» ستارەگياسىمەن جىبەك جولى ەكونوميكالىق بەلدىگىن قۇرۋدى ۇيلەستىرە جىلجىتۋعا نيەتتى»، - دەپ مالىمدەدى ق ح ر باسشىسى.

ەكى ەلگە دە ينفراقۇرىلىم، كولىك-كوممۋنيكاتسيالىق ءوزارا بايلانىس سالاسىنداعى ءىرى اۋقىمدى جوبالاردى ءتيىستى دەڭگەيدە ىسكە اسىرۋدى جالعاستىرۋ، ەنەرگەتيكا، قارجى سالاسىنداعى ىنتىماقتاستىقتى جىلجىتۋ، گۋمانيتارلىق سالادا ىنتىماقتاستىقتى تەرەڭدەتۋ، قاۋىپسىزدىك بويىنشا ىنتىماقتاستىقتى كۇشەيتۋدى جالعاستىرۋ قاجەت، - دەپ قوستى شي جينپين.

قازاقستانداعى قىتاي ەلشىسى چجان حانحۋەي اتاپ وتكەندەي، قازاقستاننىڭ «نۇرلى جول» باعدارلاماسى مەن «جىبەك جولى ەكونوميكالىق بەلدەۋى» قۇرىلىسىنىڭ تۇجىرىمداماسىنىڭ ورتاق ءتۇيىسۋ نۇكتەسى بار.

شينحۋا اتاپ وتكەندەي، ج ج ە ب ەكونوميكالىق ىنتىماقتاستىقتىڭ اشىق پلاتفورماسى رەتىندە ەۋرازيالىق ەكونوميكالىق وداق پەن ازيالىق-تىنىق مۇحيت وڭىرلەرى اراسىنداعى كوپىر بولماق، وسىلايشا ەۋرازيالىق ەكونوميكالىق ينتەگراتسياعا جاڭا سەرپىن بەرەدى.

2013-جىلى شي جينپين ق ر- عا كەلگەننەن كەيىن ەكى ەلدىڭ بىرلەسكەن كۇشىمەن جان-جاقتى ستراتەگيالىق ارىپتەستىك جىلدام قارقىنمەن دامۋدا، دەيدى قىتايدىڭ حالىقارالىق راديوسى.

سونىمەن، 2014-جىلدىڭ اياعىندا قىتاي مەن قازاقستان 14 ميلليارد دوللاردان استام قاراجاتقا ونەركاسىپتىك الەۋەتتى دامىتۋداعى ىنتىماقتاستىق تۋرالى الدىن الا كونسەنۋسقا قول جەتكىزدى.

ق ر- عا قىتاي پرەمەرى لي كىشياڭنىڭ ساپارى بارىسىندا قول قويىلعان نەگىزگى كەلىسىمدە ينفراقۇرىلىمدى، اۆتوموبيل جولدارى مەن تۇرعىن ءۇي قۇرىلىسىن دامىتۋ ماسەلەلەرى قوزعالعان.

وسى جىلعى ناۋرىزدا تاراپتار سوماسى 23,6 ميلليارد دوللارعا ونەركاسىپتىك قۇرىلىس سالاسىنداعى ىنتىماقتاستىق تۋرالى 33 كەلىسىمگە قول قويدى.

« شي جينپيننىڭ بۇل ساپارىنىڭ ماڭىزى زور جانە قىتايدىڭ حالىقارالىق قوعامداستىقپەن بىرگە ەكىنشى دۇنيەجۇزىلىك سوعىستاعى جەڭىس ناتيجەلەرى جانە جاھاندىق بەيبىتشىلىكتى ساقتاۋداعى باتىل قادامىن كورسەتەدى»، - دەپ اتاپ ءوتتى جەنمين جيباو گازەتى.

ەسكە سالساق، شي جينپين قازاقستانعا ساپارىنان كەيىن رەسەيگە بارادى. ۇ و س جەڭىسىنىڭ 70 جىلدىعىنا ارنالعان سالتاناتتى راسىمگە قاتىسادى، سونداي-اق بەلارۋس رەسپۋبليكاسىنا مەملەكەتتىك ساپارمەن بارادى.