10:01, 08 - مامىر 2015 | GMT +5
التايدان جوعالىپ بارا جاتقان ايۋدىڭ ءتۇرى تابىلدى
استانا. قازاقپارات - التايداعى ۇلتتىق پاركتىڭ قىزمەتكەرلەرى ايۋدىڭ سيرەك كەزدەسەتىن ءتۇرىن تاپتى.
جىرتقىش اڭنىڭ بۇل ءتۇرىنىڭ كوزدەن تاسا بولعانىنا 30 جىل بولىپتى، دەپ جازادى epochtimes.ru. ال عالىمدار بولسا، سايليۋگەم ايۋى جەر بەتىنەن مۇلدە جوعالىپ كەتكەن» دەپ ويلاعان. ءبىراق ونىڭ ىزدەرى بايان- چاگان كولىنەن 3 شاقىرىم جەردەن بايقالىپتى. پارك قىزمەتكەرلەرى سول ماڭايدان ايۋلار قازىپ، تاستاپ كەتكەن 20 عا جۋىق ىندەردى تاۋىپ، ولاردى كارتاعا ەنگىزىپتى. ىندەردىڭ تەرەڭدىگى 60 سم، ۇزىندىعى شامامەن 3 مەتر بولعان ەكەن. العاش رەت سايليۋگەم ايۋىن التاي بيوسفەرا قورىعىنىڭ عىلىمي قىزمەتكەرى گەنريح سوبانسكي ءوز ەڭبەكتەرىندە سيپاتتاعان ەدى. ونىڭ مالىمدەۋىنشە، ولار تيان- شان بۋرىل ايۋىنىڭ تۋىسى بولىپ تابىلادى. ال 1996 -جىلى سايليۋگەم ايۋى قىزىل كىتاپقا ەنگىزىلدى. دايىنداعان: گ. ابيلوۆا
