ن. نازاربايەۆتىڭ ارقاسىندا قازاقستان زاماناۋي، قۋاتتى مەملەكەتكە اينالدى - ر ف س ءى م

ماسكەۋ. قازاقپارات - قازاقستاندا وتكەن كەزەكتەن تىس سايلاۋ ناتيجەلەرىن رەسەيلىكتەر ەرتەڭگى كۇنگە سەنىم مەن بىرلىككە دەگەن نىق قادام دەپ قابىلدادى. بۇل پىكىردى «قازاقپارات» ح ا ا تىلشىسىمەن ر ف سىرتقى ىستەر ءمينيسترىنىڭ ورىنباسارى - ستاتس- حاتشى گەورگيا كاراسين ءبولىستى.

«بۇكىل رەسەي باۋىرلاس قازاقستان ەلىندەگى وتكەن كەزەكتەن تىس پرەزيدەنتتىك سايلاۋدى باقىلادى. سايلاۋ بارشا حالىقتىڭ بىرلىگىنە نەگىزدەلگەنى اسا ماڭىزدى. رەسەيلىكتەر سايلاۋ ناتيجەلەرىنەن وداقتاس، ەۋرازيالىق ەكونوميكالىق وداق اياسىندا پەرسپەكتيۆالىق ارىپتەس ەل رەتىندە جانە باسقا دا حالىقارالىق فورماتتاردا ەرتەڭگە دەگەن، بىرلىككە دەگەن سەنىمدىلىكتى سەزىندى»، - دەدى ول.

گ. كاراسين اتاپ وتكەندەي، ن. نازاربايەۆتىڭ جەڭىسى - لايىقتى جەڭىس. «قازاقستان حالقىن تاڭداۋىمەن شىن جۇرەكتەن قۇتتىقتاعىم كەلەدى. ن. نازاربايەۆتىڭ ارقاسىندا قازاقستان زاماناۋي، قۋاتتى سەرپىندى دامىعان مەملەكەتكە اينالدى»، - دەپ اتاپ ءوتتى ول.

سونداي-اق، گ. كاراسين قازاقستاندىقتاردى جەڭىستىڭ 70 جىلدىعىمەن قۇتتىقتادى. «بۇل ورتاق مەرەكە. ءبىز ۇنەمى بىرلەسىپ بالالارىمىز بەن نەمەرەلەرىمىز ءۇشىن كەمەل كەلەشەك قالىپتاستىرامىز»، - دەدى ر ف س ءى م ورىنباسارى.