09:24, 08 - مامىر 2015 | GMT +5
كولىكتى باسقاراتىن ساعات تانىستىرىلدى
استانا. قازاقپارات - Volkswagen Apple ساعاتتارىنا ارناپ شىعارىلعان قوسىمشانى جالپاق جۇرتقا تانىستىردى، دەپ جازادى 24.kz.
بۇل موبيلدى قوسىمشا كولىكتىڭ جاي-كۇيى تۋرالى ونىڭ يەسىنە اقپارات بەرىپ، ءتىپتى ونىڭ كەيبىر فۋنكتسيالارىن باسقارا الادى.
مىسالى، «فولكسۆاگەننىڭ» قوجايىنى «اقىلدى» ساعاتپەن كولىككە ورناتىلعان GPS ارقىلى تەمىر تۇلپاردىڭ ناقتى قاي جەردە ەكەندىگىن انىقتاپ، ونىڭ ءجۇرىپ وتكەن جىلدامدىعى مەن قاشىقتىعىن وتە الىستان باقىلاي الادى. سونداي-اق قوسىمشا جانارماي مولشەرىن، كولىكتەگى تەمپەراتۋرا مەن قاۋىپسىزدىك جاستىقتارىنىڭ جاعدايىن قاداعالايدى. ال كەلەشەكتە بۇل قوسىمشا جەتىلدىرىلىپ، كولىك ەسىكتەرىن اشىپ- جاۋىپ، جىلدامدىقتى شەكتەيتىن دە بولۋى مۇمكىن.
