08:47, 08 - مامىر 2015 | GMT +5
اۆستريالىق ازامات جەرتولەسىندەگى گيتلەردىڭ پورترەتى ءۇشىن سوتتالاتىن بولدى
استانا. قازاقپارات - اۆستريادا رەجيسسەر ۋلريح زايدلدىڭ «جەرتولەدە» دەرەكتى فيلمىنىڭ ەكرانعا شىعۋىنان كەيىن دەرەكتى فيلمدە كورسەتىلگەن ناتسيستىك اتريبۋتيكا كوللەكتسياسىنىڭ يەسىنە ايىپ تاعىلدى، دەپ حابارلادى «BBC».
زايدلدىڭ دەرەكتى فيلمىندە جەرتولەدە تۇسىرىلگەن كادرلار بار. وندا بەس ەر ادام ادولف گيتلەر پورترەتىنىڭ، ناتسيستىك فورما كيگىزىلگەن مانەكەندەردىڭ جانىندا ءان ايتقان.
پروكۋروردىڭ سوزىنە قاراعاندا، فيلم شىققان سوڭ كورەرمەندەر شاعىم تۇسىرگەن.
زايدل فيلمى كورسەتىلگەن سوڭ جەرگىلىكتى ءوزىن-ءوزى باسقارۋ ورگانىنىڭ ەكى وكىلى قىزمەتىنەن ايىرىلدى.
1947-جىلدان باستاپ، اۆستريادا ناتسيزمدى اقتاۋ قىلمىس بولىپ سانالادى.
