اقتاۋدا ۆولەيبولدان مۇگەدەك سپورتشىلار اراسىندا حالىقارالىق تۋرنير باستالدى - فوتو

استانا. قازاقپارات - 7-مامىر كۇنى اقتاۋ قالاسىندا جەڭىستىڭ 70 جىلدىعىنا ارنالعان تىرەك-قيمىل اپپاراتى بۇزىلعان مۇگەدەكتەر اراسىندا وتىرىپ ويناۋ ۆولەيبولىنان حالىقارالىق تۋرنيردىڭ اشىلۋ سالتاناتى ءوتتى، دەپ حابارلادى aktau.gov.kz

«كاسپي» سپورت كەشەنىندە ءوتىپ جاتقان حالىقارالىق دەڭگەيدەگى سپورتتىق شارانىڭ اشىلۋ سالتاناتىندا ماڭعىستاۋ وبلىستىق دەنە شىنىقتىرۋ جانە سپورت باسقارماسى باسشىسىنىڭ ورىنباسارى ر. ەليزاروۆا مەن اقتاۋ قالالىق دەنە شىنىقتىرۋ جانە سپورت ءبولىمىنىڭ باسشىسى ن. دجاليموۆ تۋرنير قاتىسۋشىلارىن 7-مامىر وتان قورعاۋشىلار كۇنىمەن جانە جەڭىستىڭ 70 جىلدىق مەرەيتويىمەن قۇتتىقتاپ، جارىستا ساتتىلىك تىلەدى.

تۋرنيرگە كورشىلەس رەسەي، تۇركىمەنستان، وزبەكستان ەلدەرىنەن، قازاقستاننىڭ قىزىلوردا، ورال، اقتوبە، قاراعاندى، قوستاناي جانە اقتاۋ قالالارىنان قۇراما كوماندالار قاتىسىپ وتىر. جارىس قورىتىندىسى بويىنشا قوسىمشا اقپارات جاريالاناتىن بولادى.