جاس اقىندارى ايتىستى
سىرىم اۋدانى اكىمدىگى مەن ب ق و جاستار ساياساتى ماسەلەلەرى باسقارماسى ۇيىمداستىرعان ءسوز سايىسىنا باتىس قازاقستانمەن قاتار ماڭعىستاۋ، اقتوبە، اتىراۋ وبلىستارىنان ون اقىن قاتىستى.
قوس اينالىمنان تۇرعان ايتىس قورىتىندىسىندا ماڭعىستاۋدىڭ جاڭاوزەن قالاسىنان كەلگەن اباي جولماعانبەتوۆ باس جۇلدەنى جەڭىپ الدى. اتىراۋلىق شالقارباي ءىزباساروۆ - ءبىرىنشى، سىرىمدىق باۋىرجان مۇستافيەۆ - ەكىنشى، اقجايىقتىق اينابەك بيسەنعاليەۆ پەن ورالدىق تالعات مىقي ءۇشىنشى ورىندى ەنشىلەدى. قاتىسۋشىلاردىڭ بارىنە باعالى جانە اقشالاي سىيلىقتار، ديپلوم، العىسحاتتار تابىس ەتىلدى.
بەلگىلى ايتىس اقىنى، قازىلار القاسىنىڭ ءتورايىمى داريعا مۇشتانوۆانىڭ ايتۋىنشا، حالىق كوپ جينالىپ، ءبىر جاساپ قالدى.
«جالپى، ايتىستىڭ دەڭگەيى جامان بولعان جوق. اسىرەسە، اباي جولماعانبەتوۆتىڭ ءسوز ساپتاۋى جاقسى. شالقاربايدىڭ ارىنى دا قاتتى. جاستاردىڭ ءوز ەلىمىزدىڭ تاريحىن ءبىلىپ، تاني ءتۇسۋى ءۇشىن مۇنداي ايتىستار كەرەك، ارينە»، - دەدى ول.
