ەلباسى نۇرسۇلتان نازاربايەۆ كۇزدە قىتايعا ساپارمەن بارۋى مۇمكىن

استانا. قازاقپارات - ەلباسى نۇرسۇلتان نازاربايەۆ بيىل كۇزدە قىتايعا ساپارمەن بارۋى مۇمكىن.

بۇل تۋرالى بۇگىن استاناعا رەسمي ساپارمەن كەلگەن ق ح ر ءتوراعاسى شي جينپينمەن كەلىسسوزدەر قورىتىندىسىندا ءمالىم بولدى.

اتاپ ايتقاندا، قازاقستان پرەزيدەنتى ن. نازاربايەۆ ق ح ر ءتوراعاسىنىڭ بيىلعى 2-3- قىركۇيەكتە قىتايعا ساپارمەن كەلۋ جانە بەيجىڭدە وتەتىن جەڭىستىڭ 70 جىلدىق مەرەيتويىنا قاتىسۋ جونىندەگى شاقىرۋىن ريزاشىلىقپەن قابىل الدى.

ۇلى وتان سوعىسىنىڭ 70 جىلدىعىنا وراي، ەلباسى مەن شي جينپين ۇرپاقتان ۇرپاققا جالعاسىپ كەلە جاتقان ۇلى جەڭىستى قۇرمەتپەن ەسكە الۋ عانا جاڭا سوعىسقا جول بەرمەۋدىڭ سەنىمدى كەپىلى بولاتىنىن جانە حالىقتار اراسىنداعى تاتۋلىق پەن سەنىمدى، تۇراقتىلىقتى نىعايتۋعا ىقپال ەتەتىنىن اتاپ ءوتتى.

اۆتور: رۋسلان عابباسوۆ