داعدارىس تولقىنى شۆەتسيا بانكتەرىنە كەلىپ جەتتى

استانا. قازاقپارات - شۆەتسيا بيلىگى سالىق الىمىن ارتتىرۋ جانە الەۋمەتتىك ءال-اۋقاتتى قامتاماسىز ەتۋ ءۇشىن بانكتەرگە جاڭا سالىق ەنگىزۋدى جوسپارلاپ وتىر.

ەندى اتالعان ەلدىڭ بانكتەرى تاپقان تابىسىنان مەملەكەتكە سالىق تولەۋى مۇمكىن. سونداي-اق بانكيرلەردىڭ جالاقىسىنا سالىق سالۋ مۇمكىندىگى دە قاراستىرىلىپ وتىر، دەپ حابارلايدى REGNUM АА.

شۆەتسيا ۇكىمەتى جاڭا سالىق تۇرىنەن 429 ميلليون ەۋروعا جۋىق پايدا تابۋدى كوزدەپ وتىر. جاڭا سالىقتىڭ ناقتى قاي ۋاقىتتان باستاپ ەنگىزىلەتىنى بەلگىسىز بولسا دا، قازىرگى تاڭدا نارىق قاتىسۋشىلارىمەن بۇل ماسەلەگە قاتىستى قىزۋ پىكىرتالاس جۇرۋدە.

شۆەتسيا بانكتەرى ازىرگە ۇكىمەتتىڭ جوسپارىن جۇرت الدىندا سىنعا الماعانىمەن، بيلىكتىڭ جاڭا باستاماسى كوڭىلدەرىنە جاقپايتىنىن ءبىلدىردى.

«بانك سەكتورى شۆەتسيادا ءارقاشان ماڭىزدى سالىق تولەۋشىنىڭ ءرولىن اتقارىپ كەلەدى. ءبىز ەلدىڭ تۇراقتىلىق قورىن دا، سالىمدى ساقتاندىرۋ جۇيەسىن دە قارجىلاندىرامىز. شۆەتسيالىق بانكتەر تولەپ وتىرعان سالىق قازىردىڭ وزىندە دە از ەمەس»، - دەيدى Swedbank وكىلى كلاەس ۋوررەن.

ەل بيلىگى مۇنداي قادامعا الەۋمەتتىك جۇيەنى جاقسارتىپ، جۇمىسسىزدىقتى ازايتۋ ءۇشىن بارىپ وتىرعاندىعىن ءمالىم ەتتى. شۆەتسيا بيلىگى ءوز الدىنا جۇمىسسىزدىقتى 2020-جىلعا قاراي ە و- داعى ەڭ تومەن دەڭگەيگە جەتكىزۋدى ماقسات ەتىپ قويعان. قازىر بۇل كورسەتكىش %7,9 دى قۇرايدى.

BNews.kz