قازاقستانداعى زاماناۋي اسكەري تەحنيكا ورتالىق ازيا ەلدەرىندە جوق
«كورشى ەلدەرگە قاراعاندا، ءبىزدىڭ جاعدايىمىز الدەقايدا جاقسى. شەرۋدە كورسەتىلگەن زاماناۋي تەحنيكالار ولاردا جوق. ءبىراق سوعىس بولماسىن دەگەن تىلەك بار. قازىر ۇلى جەڭىستىڭ 70 جىلدىعىن تويلاپ جاتىرمىز. سول سوعىستا اكەلەرىمىز، اتالارىمىز، بابالارىمىز قان توكتى، قانشاسى ورالمادى. ەلباسىمىز بۇگىن ءبىزدىڭ اسكەري دايىندىعىمىزدى تاعى ءبىر پاش ەتتى. ءبىراق دەگەنمەن ەلدە تىنىشتىق بولسىن، سوعىس بىزگە كەلمەسىن. قازاقستاندا بەيبىتشىلىك تۋى جەلبىرەي بەرسىن»، - دەدى ول.
«ءوزىمنىڭ اكەم دە سوعىستا ءوز ەلى ءۇشىن، حالقى ءۇشىن سوعىستى. ەكى رەت اۋىر جاراقات الدى. ءبىر جولى ۇستىنەن بومبا ءتۇسىپ، توپىراقپەن باسىپ تا قالدى. كۋرس شايقاسىندا بولعان كىسى. جەڭىس جاريالانعان كەزەڭ باقىتتى كەز ەدى، دەپ ەسكە الاتىن ءجيى. كوپ جاۋىنگەرلەر ەندى ەلگە ورالماۋى مۇمكىن ەكەندىگىن ءبىلدى. سۇراپىل ۇرىستاردا ولىمگە مويىنسۇنىپ، ەندى ءتىرى قايتپاسپىن دەپ، سوڭعى ساپارعا شىققان كەزدەرى دە بولعان. دەگەنمەن امان-ەسەن اۋىلعا ورالىپ، قىزمەت ىستەپ، 10 بالانى تاربيەلەپ، ۇلكەن ازامات ەتىپ شىعاردى»، - دەيدى سەيىتجان قويباقوۆ.
اۆتور: جاسۇلان جولدىبايەۆ
