چىڭ لۇڭ ەسىرتكىمەن كۇرەس جونىندەگى ەلشى اتاندى

استانا. قازاقپارات - شياڭگاڭنىڭ كينوجۇلدىزى چىڭ لۇڭ تانىمال تۇلعالاردىڭ ىشىندەگى سينگاپۋردىڭ ەسىرتكىمەن كۇرەس جونىندەگى ەڭ ءبىرىنشى ەلشىسى اتاندى.

بۇل تۋرالى ەلدىڭ ىشكى ىستەر جانە سىرتقى ىستەر مينيسترلىگىنىڭ ەكىنشى ءمينيسترى ماساگوس زۋلكيفلي حابارلادى.

كينوجۇلدىزدىڭ ايتۋىنشا، ءاربىر جاس ەسىرتكىدەن بويىن اۋلاق ۇستاسا، ونىڭ قارماعىنا تۇسپەيتىنى انىق. ءدامىن تاتىپ كورىپ، تاجىريبە جاساۋدىڭ ارتى قۇردىمعا اپارادى.

ال ەل ءمينيسترى ايگىلى چىڭ لۇڭدى ەسىرتكىگە قارسى كۇرەس جۇرگىزۋدە قولداۋ كورسەتۋىن سۇراعاندا، بىردەن كەلىسكەنىن ايتادى: «ەسىرتكىگە جول جوق» دەي وتىرىپ، ول جات قىلىققا بوي الدىرعان جاستارعا وي سالىپ، دۇرىس قادام جاساۋعا شابىتتاندىرادى دەگەن ۇمىتتەمىز».

ايتا كەتەيىك، سوڭعى 10 جىلدا ارال مەملەكەتتە ەسىرتكىنى تۇتىناتىن جاستاردىڭ سانى كوبەيگەن. ولاردىڭ باسىم بولىگىن 20 جاسقا دەيىنگى جاسوپىرىمدەر قۇرايدى.

اۆتورى: اينۇر بەردىباي

www.24.kz