15:22, 07 - مامىر 2015 | GMT +5
ارميا قازاقستان حالقىنىڭ بەيبىت ومىرىنە قالقان بولۋى ءتيىس - سوعىس ارداگەرى
استانا. قازاقپارات - ارميا قازاقستان حالقىنىڭ بەيبىت ومىرىنە قالقان بولۋى ءتيىس.
بۇل پىكىردى استاناداعى «قازاق ەلى» الاڭىندا وتكەن وتان قورعاۋشى كۇنى مەن ۇلى وتان سوعىسىنداعى جەڭىستىڭ 70 جىلدىعىنا ارنالعان اسكەري شەرۋدەن كەيىن سوعىس ارداگەرى نينا مويسەەنكو ءبىلدىردى.
«بارشا قازاقستاندىقتى، اسىرەسە، اسكەري قىزمەتشىلەردى بۇگىنگى وتان قورعاۋشى كۇنى مەيرامىمەن قۇتتىقتايمىن. ولارعا تابىس، زور دەنساۋلىق، قىزمەت بابىنداعى ورلەۋ جانە وتباسىلارىندا اماندىق تىلەيمىن. بۇگىن تاماشا شەرۋدىڭ كۋاسى بولدىق، جۇرتتىڭ بارلىعىنىڭ كوڭىلىنەن شىقتى. ارميا قازاقستان حالقىنىڭ قورعانى بولۋى ءتيىس»، - دەدى ن. مويسەەنكو.
ايتا كەتەرلىگى، سوعىس ارداگەرى بۇگىندە 91 جاسقا تولىپ وتىر. ۇلى وتان سوعىسى جىلدارىندا ول اسكەري بايلانىسشى بولىپ بورىشىن وتەگەن. قازىرگى ۋاقىتتا ەلوردادا تۇرادى.
اۆتور: مارلان جيەمباي
