وتان قورعاۋشى كۇنىنە ارنالعان بۇگىنگى شەرۋدى ۇلى توي دەسەك بولادى - سوعىس ارداگەرى
بۇل پىكىردى استاناداعى «قازاق ەلى» الاڭىندا وتكەن وتان قورعاۋشى كۇنى مەن ۇلى وتان سوعىسىنداعى جەڭىستىڭ 70 جىلدىعىنا ارنالعان اسكەري شەرۋدەن كەيىن سوعىس ارداگەرى جۇنىسبەك كارىموۆ ءبىلدىردى.
«وتان قورعاۋشى كۇنى مەن جەڭىستىڭ 70 جىلدىق مەرەيتويىنا ارنالعان بۇگىنگى شەرۋدى ۇلى توي دەسەك بولادى. ەلباسىمىز نۇرسۇلتان نازاربايەۆتىڭ ارقاسىندا بۇگىنگى الەۋمەتتىك-ەكونوميكالىق تۇرعىدا دامىعان ەلگە اينالىپ وتىرمىز. وسىعان تاۋبە قىلامىن. ەلىمىز امان، جۇرتىمىز تىنىش بولسىن!»، - دەدى قارت مايداگەر.
2 ۇل مەن 1 قىز تاربيەلەپ، بۇگىندە نەمەرە-شەبەرە ءسۇيىپ وتىرعان ارداگەر بۇگىنگى ۇرپاق سوعىستى بىلمەي، بەيبىت زاماندا ءومىر سۇرگەنىنە تىلەكتەس ەكەندىگىن باسا ايتتى.
«قوي ۇستىنە تورعاي جۇمىرتقالاعان زامان دەگەنىمىز، مىنە، وسى كۇن. سونى سەندەر كوزدىڭ قاراشىعىنداي ساقتاي بىلىڭدەر»، - دەدى ول.
اۆتور: مارلان جيەمباي
