اسكەري پارادتىڭ العاشقى بولىمىندە جەكە قۇرامنىڭ شەرۋ توپتارى الاڭدى بويلاي ءجۇرىپ ءوتتى
شارانىڭ العاشقى بولىمىندە جەكە قۇرامنىڭ شەرۋ توپتارى الاڭدى بويلاي ءجۇرىپ ءوتتى.
العاشقى لەكتە ءجۇرىپ وتكەن «جاس ۇلان» ساربازدارىنان كەيىن سوعىس ۋاقىتىنىڭ اسكەري فورماسىن كيگەن جانە قارۋىن اسىنعان جاياۋ شەرۋ توپتارى ءوتتى. جيىلعان جۇرت ۇلى وتان سوعىسىنداعى اڭىز قارۋ اتالعان «ماكسيم» پۋلەمەتتەرىن ءوز كوزدەرىمەن تاماشالادى. ودان كەيىن ق ر قارۋلى كۇشتەرىنىڭ قازىرگى زامانعى پارادتىق ەسەپ توبى كورىندى. ءىزىن الا قورعانىس مينيسترلىگىنىڭ ەسەپ توبى الاڭدى بويلاي ءجۇردى.
قۇرلىق اسكەرلەرى وفيتسەرلەرىنىڭ پارادتىق ەسەبى سالتاناتتى شەرۋمەن ءوتتى. قۇرلىق اسكەرلەرى - ارميامىزدىڭ نەگىزگى ەكپىندى كۇشى. قارۋلى كۇشتەردىڭ بۇل ءتۇرى سانى جاعىنان ەڭ ۇلكەن جانە جاۋىنگەرلىك مىندەتتەردىڭ كەڭ اۋقىمىن اتقاراتىن ماڭىزدى بولىگى.
اۋە قورعانىسى كۇشتەرىنىڭ پارادتىق ەسەبى كەلەسى لەكتە شىقتى. ولاردىڭ نەگىزگى ماقساتى - وتانىمىزدىڭ اسپانىنان تونگەن قاۋىپتىڭ بەتىن الۋ، اسكەري نىساندارىمىزدى اۋە شابۋىلىنان قورعاۋ، باسقا دا قارۋلى كۇشتەرگە اۋەدەن قولداۋ كورسەتۋ.
سالتاناتتى شەرۋدى اسكەري تەڭىز كۇشتەرىنىڭ پارادتىق ەسەپ توبى جالعاستىردى. ولار ەلىمىزدىڭ تەڭىز شەبىندەگى قاۋىپسىزدىگىن قامتاماسىز ەتەدى.
الاڭ ورتالىعىنا اەروموبيلدى اسكەردىڭ شەرۋ توبى شىقتى. اەروموبيلدى اسكەرلەر قارۋلى كۇشتەردىڭ جوعارعى باس قولباسشىنىڭ رەزەرۆى بولىپ تابىلادى. دەسانتشى- اسكەرلەر ەڭ قيىن تاپسىرمالاردى ورىنداي الادى.
