پان گي مۋن ب ۇ ۇ- نىڭ جاڭا باس حاتشىسى قىزمەتىنە ايەل ادامدى سايلاۋدى ۇسىنادى
بۇل تۋرالى سارسەنبى كۇنى، 6- مامىردا ونىڭ رەسمي وكىلىنىڭ ورىنباسارى فارحان حاك ءمالىم ەتتى، دەپ حابارلادى ت ا س س.
«ءبىرقاتار رەسمي شارالاردا پان گي مۋن ايەلدەردىڭ باس حاتشى قىزمەتىن اتقاراتىن كەزى كەلدى، دەگەندى ايتىپ ءجۇر»، - دەپ مالىمدەدى ول. ول سونىمەن قاتار باس حاتشى ونىڭ ورىنتاعىن باساتىن ادامنىڭ اتى-ءجونىن ايتقان جوق. «پان گي مۋن جوعارى لاۋازىمدار اتقارىپ جۇرگەن، سونىڭ ىشىندە ب ۇ ۇ- دا دا مارتەبەلى قىزمەتتەگى كوپتەگەن ايەلدەرمەن كەزدەسۋلەر وتكىزۋدە. ولار سايلاۋعا قاتىسا ما، جوق پا، ونى وزدەرى شەشەدى»، - دەدى حاك.
ب ۇ ۇ باس حاتشىسى قىزمەتىنە ىقتيمال ۇمىتكەرلەردىڭ اراسىندا ب ۇ ۇ دامۋ باعدارلاماسىنىڭ ۇيلەستىرۋشىسى حەلەن كلاركتىڭ، يۋنەسكو اتقارۋشى ديرەكتورى يرينا بوكوۆانىڭ، چيلي مەن ليتۆا پرەزيدەنتتەرى ميشەل باچەلەت پەن داليا گريباۋسكايتەنىڭ، سونداي-اق دانيا پرەمەر-ءمينيسترى حەللە تورنينگ-شميدتتىڭ ەسىمدەرى اتالىپ ءجۇر.
وڭتۇستىك كورەيالىق ديپلومات پان گي مۋن ب ۇ ۇ باس حاتشىسى قىزمەتىن 2007-جىلعى 1- قاڭتاردان بەرى اتقارىپ كەلەدى. ونىڭ وكىلەتتىك مەرزىمى 2016-جىلعى 31- جەلتوقساندا اياقتالادى. ەرەجەگە سايكەس ول ءۇشىنشى بەسجىلدىق مەرزىمگە سايلانا المايدى. اگەنتتىكتىڭ اتاپ وتۋىنشە، ب ۇ ۇ باسشىسىنىڭ بارىنشا ادىلەتتى بولۋى ءۇشىن بۇل لاۋازىمعا قاۋىپسىزدىك كەڭەسىنىڭ تۇراقتى مۇشەلەرى بولىپ تابىلاتىن بەس ەلدىڭ - رەسەيدىڭ، قىتايدىڭ، بىرىككەن كورولدىكتىڭ، ا ق ش- تىڭ جانە فرانسيانىڭ وكىلدەرى سايلانبايدى.
ۇيىم باس حاتشىسىن سايلاۋ بىلايشا وتەدى: اۋەلى ۇمىتكەردى ب ۇ ۇ قاۋىپسىزدىك كەڭەسى قارايدى، ودان كەيىن باس اسسامبلەيادا 192 ەل وكىلدەرىنىڭ قاتىسۋىمەن داۋىسقا سالىنادى. جاڭا باس حاتشىنى سايلاۋدا قاۋىپسىزدىك كەڭەسىنىڭ تۇراقتى مۇشەلەرى ۇلكەن ءرول اتقارادى، ولار كەز كەلگەن جارامسىز ۇمىتكەرگە ۆەتو قويۋ قۇقىعىنا يە. ب ۇ ۇ باس حاتشىسى وكىلدىگىنىڭ مەرزىمى - بەس جىل.
