الماتىداعى «ماسكەۋ» مەترو ستانساسىندا «وتكەن سوعىس جاڭعىرىعى» كورمەسى اشىلدى - فوتو

مۇندا الماتى تاريح مۇراجايى مەن مۇراعاتتار قورىنان سوعىس جىلدارىنىڭ سيرەك فوتودەرەكتى ماتەريالدارى قويىلعان.
«ۇلى وتان سوعىسى مايداندارىندا 1 ميلليوننان استام قازاقستاندىقتار شايقاستى. سوعىستىڭ العاشقى ايلارىندا-اق الماتى قالاسىندا كەيىننەن 8- گۆارديالىق ديۆيزيا دەپ اتالعان 316- اتقىشتار ديۆيزياسى، 391- اتقىشتار ديۆيزياسى، 39- ايرىقشا كۋرسانتتىق بريگادا، 100- قازاق ۇلتتىق بريگاداسى جانە باسقالارى جاساقتالىپ، ماسكەۋدى، لەنينگرادتى قورعاۋعا، ستالينگراد تۇبىندەگى، كۋرسك يىنىندەگى، ەۋروپانى ازات ەتۋدەگى، بەرلينگە شابۋىل جاساۋداعى شايقاستارعا قاتىستى»، - دەپ اڭگىمەلەدى ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ قىزمەتكەرى، پروفەسسور قايدار الداجۇمانوۆ.
ول الماتى 40 قا تارتا ونەركاسىپ كاسىپورىندارى مەن كوشىرىلگەندەردى قابىلداپ، مايداننىڭ ماڭىزدى تىرەگى بولدى، دەپ اتاپ ءوتتى. سوعىس جىلدارىندا كينوتەاتر ەكراندارىنا الماتىدا قۇرىلعان ورتالىق بىرىككەن كينوستۋديادا جاسالعان 23 كينولەنتا شىعارىلدى.
«ءبىز قالاداعى اۋقىمدى وزگەرىستەردىڭ كۋاگەرلەرى بولعانىمىز ءۇشىن باقىتتىمىز. مەن ءوز ومىرىمدە كوپتەگەن ەلدەردە بولدىم، ءبىراق تا بىزدەگىدەي تاماشا مەترو سيرەك. جاۋىنگەرلەر قازىرگى ۇرپاق گۇلدەنگەن جانە تاۋەلسىز مەملەكەت قۇرۋى ءۇشىن شايقاستى»، - دەدى برەستىنى قورعاۋشى، ارداگەر عابباس جۇماتوۆ.
مەكتەپ وقۋشىلارىنىڭ كونسەرتتەرى مەن «سازگەن سازى» فولكلورلىق-ەتنوگرافيالىق ءانسامبلىنىڭ ونەرى شارانىڭ مەرەكەلىك شىرايىن كەلتىردى.