برونيسلاۆ كوموروۆسكي: قازاقستان - پولشانىڭ ورتالىق ازياداعى نەگىزگى سەرىكتەسى

 استانا. قازاقپارات - پولشا رەسپۋبليكاسىنىڭ پرەزيدەنتى برونيسلاۆ كوموروۆسكي نۇرسۇلتان نازاربايەۆتى قازاقستان رەسپۋبليكاسى پرەزيدەنتى لاۋازىمىنا قايتا سايلانۋىمەن قۇتتىقتادى، دەپ حابارلادى اقوردانىڭ باسپا ءسوز قىزمەتىنەن.

«قازاقستان پولشانىڭ ورتالىق ازياداعى نەگىزگى سەرىكتەسى بولىپ سانالادى. ءبىز ءسىزدىڭ ەلدىڭ تابىستارىنا قۋانامىز جانە مەملەكەتتەرىمىزدىڭ اراسىنداعى ەكونوميكالىق ىنتىماقتاستىقتىڭ ورىستەۋىنەن ءۇمىتتىمىز»، - دەلىنگەن جەدەلحاتتا.

پولشا پرەزيدەنتى نۇرسۇلتان نازاربايەۆتىڭ ەلدەگى ەڭ جوعارعى لاۋازىمعا سايلانۋى ەكىجاقتى قارىم- قاتىناستاردى دوستىق، سەرىكتەستىك، ءوزارا مۇددەلەر مەن داستۇرلەردى قۇرمەتتەۋ رۋحىندا ودان ءارى نىعايتۋعا سەپتىگىن تيگىزەتىنىنە سەنىم بىلدىرگەن.