حالىقارالىق قارجى قورى ساۋد ارابياسىنا شىعىندارىن قىسقارتۋ كەرەك دەپ سانايدى

استانا. قازاقپارات - «ساۋد ارابياسى شىعىندارىن قىسقارتۋى ءتيىس». بۇل تۋرالى حالىقارالىق ۆاليۋتا قورىنىڭ ەسەبىندە ايتىلدى.

 قوردىڭ تاياۋ شىعىس جانە ورتالىق ازيا بويىنشا دەپارتامەنتىنىڭ ديرەكتورى ماسۋد احمەد كورولدىك ءوز بيۋدجەتىنىڭ كىرىسى مەن شىعىسىن قايتا ەسەپتەۋى كەرەك دەپ سانايدى.

 مۇنداي مالىمدەمەگە ساۋد ارابياسىنىڭ ۆاليۋتا قورىن قىسقارتۋى تۇرتكى بولدى. الەمدىك مۇناي باعاسىنىڭ رەكوردتىق كورسەتكىشكە قۇلدىراۋىنا بايلانىستى، اقپان- ناۋرىز ايلارىندا ساۋديا ورتالىق بانكى قورى 5 پايىزعا قىسقاردى. بۇل 36 ميلليارد دوللار. بۇعان اسكەري شىعىنداردىڭ ارتۋى سەبەپ.

 ۇلتتىق قوردىڭ قىسقارۋىنا سونىمەن قاتار، سالمان پاتشانىڭ تاققا وتىرۋىنا وراي تۇرعىندارعا 30 ميلليارد دوللاردى سىياقى رەتىندە تولەپ، قارىزدارىن كەشىرگەنى دە اسەر ەتتى. ەگەر مۇناي باعاسىنىڭ باررەلى 80 دوللارعا وسسە دە، قارجىلىق جاعدايدىڭ ناشارلاۋىنا ودان ءارى جول بەرمەس ءۇشىن، ساۋد ارابياسى ءبارىبىر شىعىندارىن قىسقارتۋ كەرەك دەگەن پىكىر ايتادى ساراپشىلار.

«استانا» ارناسى