20:17, 06 - مامىر 2015 | GMT +5
اۋەجاي قىزمەتكەرلەرى قاتەلەسىپ، ماسكەۋگە ۇشاتىن جولاۋشىنى ستامبۇلعا سالىپ جىبەردى
استانا. قازاقپارات - وش اۋەجايىنىڭ ديرەكتورى ابدينابي اليەۆ ءوز تانىستارىنىڭ قاتارىنان بىلىكسىز قىزمەتكەرلەردى جۇمىسقا الىپ، سالدارىنان 60 جاستاعى ايەل ماسكەۋدىڭ ورنىنا ستامبۇلعا ۇشقان.
بۇل تۋرالى اۋەجاي قاۋىپسىزدىك قىزمەتىنىڭ باستىعى دانيل توكتوگونوۆ باسپا ءسوز كونفەرەنسياسىندا ءمالىم ەتتى، دەپ حابارلادى ك ي ر ت ا گ.
«3 - ساۋىردە ماسكەۋگە بيلەت العان قىرعىزستاننىڭ 60 جاستاعى ازاماتشاسى ستامبۇلدان ءبىر- اق شىققان»، - دەدى د. توكتوگونوۆ.
كەيىن تاسىمالداۋدى ۇيىمداستىرۋ قىزمەتى ايەلدىڭ ستامبۇلدان ماسكەۋگە ۇشۋى ءۇشىن اقشا جىبەرگەن. الايدا قىزمەتتىك تەرگەۋ جۇرگىزىلمەي، ءوز جۇمىسىن دۇرىس اتقارماعاندار جاۋاپكەرشىلىككە دە تارتىلمادى.
