ءدىنمۇحاممەد قونايەۆ جاقسىلىق ۇشكەمپىروۆتى قالاي باعالاعان؟
ول ۇلتىنىڭ قولىن «التىنعا» جەتكىزىپ، مارتەبەسىن تەڭىزدەي تاسىتقان، وليمپيادا جەكپە- جەگىندە ولجا سالعان تۇڭعىش قازاق.
جاقسىلىق ۇشكەمپىروۆ 1951 -جىلدىڭ 6 - مامىرىندا جامبىل وبلىسىنا قاراستى تەگىستىك اۋىلىندا دۇنيەگە كەلگەن. مەكتەپ بىتىرگەننەن كەيىن، سەمەي قالاسىنداعى مال دارىگەرلىك ينستيتۋتىنا ءتۇسىپ، زووتەحنيكالىق ماماندىقتى تاڭداعان. جاقسىلىق ۇشكەمپىروۆ 1974 -جىلى ينستيتۋتتى ءتامامداپ، قازاق جەرىنە ەڭبەگى سىڭگەن جاتتىقتىرۋشى ۆ. ا. پيساريەۆتىڭ باسشىلىعىمەن الماتىعا ات باسىن بۇرادى. كىشكەنتايىنان قازاقشا كۇرەسپەن اينالىسقان ول جوعارى وقۋ ورنىندا ءبىلىم الىپ ءجۇرىپ، كۇرەستىڭ كلاسسيكالىق جانە ەركىن تۇرلەرىمەن شۇعىلدانا باستاعان. رومان حاسان ۇلى يلماتوۆتىڭ كەڭەسىمەن 1970 -جىلدان باستاپ، وزىنە تاڭسىق كۇرەستىڭ جاڭا كلاسسيكالىق تۇرىمەن اينالىسۋدى ءجون كورگەن.
جاقسىلىق ۇشكەمپىروۆ 1975 -جىلى ك س ر و حالىقتارىنىڭ جازعى سپارتاكياداسىندا چەمپيون اتاندى. ەكى دۇركىن كسرو چەمپيوناتىندا توپ جاردى (1975 -جىلى جانە 1980 -جىلى) ، التى رەت جۇلدەگەر بولدى. بۇكىل وداقتىق اۋىل سپورتشىلارى بىرىنشىلىگىنىڭ التىن تۇعىرىنا ءتۇتىنىن ۇزبەستەن قاتارىنان توعىز جىل تابان تىرەدى. ياعني، توعىز دۇركىن چەمپيون! قازاقستان چەمپيوناتىن الدەنەشە رەت جەڭىپ الدى.
1980 -جىلعى ەۋروپا چەمپيوناتىنىڭ كۇمىس جۇلدەگەرى. ماسكەۋ وليمپياداسىنىڭ چەمپيونى اتاندى. قازاق قازاق بولعالى وليمپيادا دۋىنا ۇكىلەپ بالۋان قوسىپ، تۇڭعىش التىن مەدال يەلەندى. جاقسىلىق ۇشكەمپىروۆ گرەك- ريم كۇرەسىندە 1981 -جىلى الەم چەمپيونى اتاعىن قانجىعاسىنا بايلادى. ودان سوڭ الەم كۋبوگىنىڭ يەگەرى اتاندى (1982 ج) .
اسا كورنەكتى مەملەكەت جانە قوعام قايراتكەرى، ۇلت تۇلعالارىنىڭ ءبىرى ءدىنمۇحاممەد قونايەۆ جاقسىلىق ۇشكەمپىروۆپەن كەزدەسكەندە «مەنىڭ ءبىر جاپىراعىم دەپ» دەپ ءماز بولىپ، كەڭ قۇشاعىن ايقارا اشىپ قارسى الاتىن بولعان. بۇل تۋرالى تولەگەن جاكىتاي ۇلىنىڭ بالۋان تۋرالى جازعان سۇحبات- حيكايات كىتابىندا جاقسىلىق ۇشكەمپىروۆتىڭ ءوزى ايتا كەتكەن.
- وليمپيادا جەڭىمپازى بولىپ ەلگە ورالعاننان سوڭ، ديماش اعا قونايەۆ كومەكشىسى د. بەكەجانوۆ ارقىلى مەنى ىزدەستىرىپ، الماتى ماڭىنداعى «قايرات» دەگەن ەلدىمەكەندەگى ارنايى دەمالىس ورنىنا الىپ باردى. ءدىنمۇحامەد احمەت ۇلى تاياۋدا عانا گرەكيادان ورالعان ەكەن. «گرەكياداعى وليمپيادا تاقتاسىنان سەنىڭ اتى- ءجونىڭدى وقىپ، كوڭىلىم تولقىپ، قاناتتانىپ قايتتىم، قاراعىم جاقسىلىق. ءوزىڭ بولىپ پا ەدىڭ وندا؟ » - دەدى. « ءيا، ديماش احمەتوۆيچ، بولعام» ، - دەپ جاۋاپ بەردىم. مەنى قولتىعىنا الىپ تۇرىپ ول كوپشىلىككە قاراپ: «قۇرمەتتى ازاماتتار! جاستار - بولاشاقتىڭ يەسى. مەن تاريحتا قالارمىن، مۇمكىن قالماسپىن، ءبىراق مىنا ءبىر جاپىراق بولسا دا، ەل مەن جەردىڭ اتىن شىعارعان جاقسىلىق سياقتى جىگىتتەر قازاقتىڭ تاريحىندا التىن ارىپپەن جازىلاتىنى داۋسىز. بۇل «مەنىڭ ءبىر جاپىراعىمدى» ۇمىتپاڭدار، قولداڭدار، ماقتان ەتىڭدەر. جاقسىلىق سياقتى جاستار - ءبىزدىڭ جارقىن بولاشاعىمىز، ماقتانىشىمىز. جاقسىلىقتار - جاستاردىڭ رۋحىن كوتەرەتىن ناعىز ازاماتتار دەپ تولقي سويلەگەنى ەسىمدە، - دەيدى جاقسىلىق ۇشكەمپىروۆ.
قازاقتان شىققان تۇڭعىش وليمپيادا جانە الەم چەمپيونانا قازاق حالقى زور دەنساۋلىق، قاجىماس قايرات تىلەيدى. ماسكەۋ وليمپياداسىنىڭ فينالىنان كەيىن ايتقان بالۋاننىڭ «مەن سەكىلدى چەمپيون اتانعان قازاق ۇلدارى كوبەيە بەرسىن» دەگەن تىلەگى قابىل بولا بەرسىن دەگەن نيەتتەمىز.
ماقالاعا تولەگەن جاكىتاي ۇلىنىڭ جاقسىلىق ۇشكەمپىروۆ تۋرالى جازعان سۇحبات- حيكايات كىتابىنان دەرەكتەر الىندى
massaget.kz
