قانات يسلام جاقىندا قازاقستاندا جەكپە- جەكتەر وتكىزۋى مۇمكىن
«قازىر كاسىپقوي سپورتشىلاردى ىرىكتەۋدىڭ بەلسەندى سەلەكسيالىق جۇمىسى ءجۇرىپ جاتىر. شىن مانىندە بىزبەن جۇمىس ىستەگىسى كەلەتىن اۋەسقويلار وتە كوپ. سونىمەن قاتار، ءبىز قانات يسلاممەن جانە ونىڭ پروموۋتەرى نەلسونمەن قازاقستاندا جانە شەتەلدە ءبىزدىڭ قامقورلىعىمىزبەن رەيتينگتىك جانە تيتۋلدىق جەكپە- جەكتەر وتكىزۋ تۋرالى كەلىسسوزدەر جۇرگىزىپ جاتىرمىز»، - دەدى Diamond Ring ق ۇ باس ديرەكتورى داۋرەن نۇرماعانبەتوۆ.
ەسكە سالا كەتەيىك، بۇعان دەيىن قازاقستاندىق كاسىپقوي بوكسشى قانات يسلامنىڭ كولۋمبيالىق ورلاندو دە حەسۋس ەسترادومەن وتكىزگەن جەكپە- جەگىنەن كەيىن ءبىرىنشى ورتا سالماق بويىنشا رەيتينگتەگى ءوز پوزيتسياسىن جاقسارتقانى حابارلانعان بولاتىن. 24 - ناۋرىزدا كولۋمبيادا وتكەن جەكپە- جەك قازاقستاندىق بوكسشىنىڭ مەرزىمىنەن بۇرىنعى جەڭىسىمەن اياقتالدى. وسىلايشا، قانات يسلام WBA Fedelatin تيتۋلىن قورعاپ قالدى. قازاقستاندىق كەلەسى جەكپە- جەگىن ا ق ش- تا وتكىزبەك، الايدا قارسىلاستارى مەن كەزدەسۋلەردىڭ وتەتىن ناقتى كۇنى ازىرشە بەلگىسىز.
