تايلاندتاعى ەلسىز ارالدان قۇل ساتۋشىلاردىڭ بازاسى تابىلدى

استانا. قازاقپارات - پوليتسەيلەرگە بۇل جەردى قۇل ساتۋشىلاردان قاشىپ قۇتىلعان جاسوسپىرىم كورسەتىپتى.

ارتىنشا جان بالاسى تۇرمايتىن ارالدان ءتارتىپ ساقشىلارى ميانمادان شىققان بوسقىندارعا تيەسىلى بولۋى مۇمكىن ءمايىت قالدىقتارىن تاپقان.

پوليتسەيلەردىڭ مالىمدەۋىنشە، قۇل ساتۋشىلار ادام سۇيەكتەرى تابىلعان جەردەگى بازالاردى بوسقىنداردى اكەلىپ، ساتاتىن قۇل بازارى رەتىندە پايدالانعان. بۇل تۋرالى Thai PBS حابارلادى.

ءتارتىپ ساقشىلارى پحانگنگا پروۆينتسياسىنداعى ەلسىز جاتقان 2 ارالدىڭ اۋماعىن تەكسەردى. ولار جاسوسپىرىمنىڭ ايتۋى بويىنشا بىرنەشە بەيىتتى تاپتى. جەر قوينىنا كومىلگەن ادام قالدىقتارىنىڭ اراسىنان ايەلدىڭ دە سۇيەكتەرى شىعىپتى.

24.kz