ق ر ىشكى ىستەر ءمينيسترى ق. قاسىموۆ گەنەرال-پولكوۆنيك اتاعىن الدى

استانا. قازاقپارات - ق ر ىشكى ىستەر ءمينيسترى قالمۇحانبەت قاسىموۆقا پوليتسيا گەنەرال-پولكوۆنيگى اتاعى بەرىلدى.

بۇنداي جارلىققا مەملەكەت باسشىسى نۇرسۇلتان نازاربايەۆ وتان قورعاۋشىلار كۇنى قارساڭىندا قول قويدى، دەپ حابارلايدى اقوردانىڭ باسپا ءسوز قىزمەتى.

ەسكە سالا كەتەيىك، جۋىردا ءوز لاۋازىمىنا قايتا تاعايىندالعان ءى ءى م باسشىسى ق. قاسىموۆ بۇعان دەيىن پوليتسيا گەنەرال-لەيتەنانتى بولعان.

قاسىموۆ قالمۇحانبەت نۇرمۇحانبەت ۇلى مىنانداي مەملەكەتتىك ناگرادالارمەن ناگرادتالعان: 2- دارەجەلى «داڭق» وردەنى، «استانا» مەدالىمەن، «ۇلتتىق قاۋىپسىزدىكتى قامتاماسىز ەتۋدەگى ۇلەسى ءۇشىن»، «قۇقىق ءتارتىبىن قامتاماسىز ەتۋدە ۇزدىك شىققانى ءۇشىن»، «قازاقستان كونستيتۋتسياسىنا 10 جىل»، «قازاقستان رەسپۋبليكاسى ىشكى ىستەر ورگاندارىنىڭ ارداگەرى»، «قازاقستان رەسپۋبليكاسىنىڭ پارلامەنتىنە 10 جىل» مەرەيتوي مەدالدارى، «ءى ءى م- ءنىڭ ەڭبەك سىڭىرگەن قىزمەتكەرى» توسبەلگىسى.

2011-جىلدىڭ ءساۋىر ايىنان باستاپ قازىرگى ۋاقىتقا دەيىن قازاقستان رەسپۋبليكاسىنىڭ ىشكى ىستەر ءمينيسترى لاۋازىمىندا.