حالىقتىڭ باسىم بولىگى ن. نازاربايەۆتى ق ر- داعى تۇراقتىلىقتىڭ كەپىلى رەتىندە قابىلدايدى - بەلگيا قورعانىس اكادەمياسىنىڭ ساراپشىسى

بريۋسسەل. قازاقپارات - كوپشىلىك قازاقستان پرەزيدەنتىن ەلدەگى تۇراقتىلىقتىڭ كەپىلى رەتىندە قابىلدايدى.

وتكەن سايلاۋ ناتيجەسىنە توقتالا كەلە بەلگيا قورعانىس اكادەمياسىنىڭ زەرتتەۋشىسى، ساياساتتانۋشى نيكولاس گوسسە وسىنداي پىكىر ءبىلدىردى.

«پرەزيدەنت ن. نازاربايەۆتىڭ قايتا سايلانۋى قازاقستان ءۇشىن دە، بارشا شەتەل شولۋشىلارى ءۇشىن دە توسىن جايت ەمەس»، - دەدى ن. گوسسە.

اڭگىمەلەسۋشىنىڭ پىكىرىنشە، سايلاۋدا ن. نازاربايەۆتىڭ ءبىراۋىزدان قولداۋ تابۋى ەلدىڭ باسىم بولىگى پرەزيدەنتتى ق ر- داعى تۇراقتىلىق كەپىلى رەتىندە قابىلداۋىندا.

سونىمەن قاتار، ساراپشى سوڭعى جىلدارى پوستكەڭەستىك كەڭىستىكتەگى جاعدايدىڭ ۋشىعۋى بارشا حالىقارالىق ويىنشىلاردى ورتالىق ازياداعى نەگىزگى ەل - قازاقستاننىڭ تۇراقتىلىق تاقىرىبىنا جاۋاپتى قاراۋعا ماجبۇرلەيتىنىن اتاپ ءوتتى.

«ءبىز پوستكەڭەستىك كەڭىستىكتەگى، ونىڭ ىشىندە ۋكرايناداعى تۇراقسىز جاعدايدى، سونداي-اق رەسەيدىڭ باتىس ەلدەرىمەن تەكەتىرەس قاتىناستارىن ءجىتى باقىلاپ وتىرمىز. وسى جاعىنان قاراعاندا، ەۋروپا مەن قالعان الەم ورتالىق ازيا، اسىرەسە ونىڭ ىشىندەگى ەڭ ماڭىزدى ويىنشى - قازاقستان تۇراقتى ءوڭىر بولىپ قالعانىن قالار ەدى»، - دەدى نيكولاس گوسسە.