ارەندالىق پاتەر العان ازاماتتار سالىقتى جەتى ەسە از تولەيدى - ق. بيشىمبايەۆ

استانا. قازاقپارات - ارەندالىق پاتەر العان ازاماتتار سالىقتى جەتى ەسە از تولەيدى.

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا «بايتەرەك» ۇلتتىق باسقارۋشى كومپانياسىنىڭ باسشىسى قۋاندىق بيشىمبايەۆ ءمالىم ەتتى.

«باعدارلامانى ىسكە اسىرۋ بارىسىندا بىزگە ازاماتتاردان، سونداي-اق پارلامەنت ءماجىلىسى دەپۋتاتتارىنان سالىق سالۋ دەڭگەيىن وزگەرتۋ بويىنشا ۇسىنىستار تۇسۋدە. ياعني مەنشىككە سالىناتىن سالىقتىڭ دەڭگەيىن وزگەرتۋ قاجەتتىلىگى تۋىنداۋدا. سەبەبى ارەندالىق باسپانا العان ازاماتتار ارەندامەن قاتار سالىق تولەۋگە ءماجبۇر. سالىق كودەكسىنە تيىستى وزگەرتۋلەر مەن تولىقتىرۋلار 2016-جىلدىڭ 1- قاڭتارىنان باستاپ كۇشىنە ەنەدى»، - دەپ اتاپ ءوتتى ول.

ونىڭ سوزىنە قاراعاندا، سالىق ستاۆكالارى جەتى ەسەگە دەيىن ازايتىلادى. قازىرگى ۋاقىتتا ارەندالىق باسپانا قازاقستاننىڭ يپوتەكالىق كومپانياسىنىڭ مەنشىگى بولىپ تابىلاتىندىقتان، وعان زاڭدى تۇلعا رەتىندە جوعارى ستاۆكامەن سالىق تولەپ ءجۇر.

«وسىلايشا، ارەندالىق پاتەردە تۇرىپ جاتقان وتباسى مەنشىك يەسىنە سالىناتىن سالىقتى جەتى ەسە كەم تولەيدى. ەگەر ونىڭ دەڭگەيى قازىر 1,5 پايىز بولسا، كەيىن 0,25 پايىز بولادى»، - دەدى ق. بيشىمبايەۆ.

اۆتور: جاسۇلان جولدىبايەۆ