ۇلى وتان سوعىسى ارداگەرلەرىنىڭ دەلەگاتسياسى الماتىدان استاناعا جانە ماسكەۋگە جەڭىس پارادتارىنا اتتاندى

الماتى. قازاقپارات - الماتىدا ۇلى وتان سوعىسى ارداگەرلەرى دەلەگاتسياسىن استانادا جانە ماسكەۋدە وتەتىن جەڭىس پارادتارىنا شىعارىپ سالدى.

ولاردىڭ ءبىر بولىگى ماسكەۋدەگى، ال ەكىنشى بولىگى قازاقستان استاناسىندا وتەتىن پارادقا قاتىسادى.

سونىمەن قاتار رەسمي كەشكىلىك قوناعاسى بارىسىندا 13 ارداگەر مەملەكەتتىك ناگرادالارعا جانە مەرەيتويلىق مەدالدارعا يە بولدى.

«مەن مەملەكەتتىڭ بىزگە قامقورلىق جاساپ وتىرعانىنا ريزامىن. بۇل ساپار ارداگەر رەتىندە مەن ءۇشىن وتە ماڭىزدى. ماسكەۋدەگى جەڭىس پارادىنا قاتىسقىم كەلەدى، ءبىراق دەنساۋلىعىم جارامايدى-اۋ دەپ قورقامىن. قازىر مەن 91 جاستامىن. 1942-جىلى 18 جاسىمدا مايدانعا اتتانىپ، ماسكەۋ تۇبىندەگى شايقاسقا قاتىستىم»، - دەدى سوعىس ارداگەرى توقتارباي قاناپيا. ول سونداي-اق استاناعا پارادقا نەمەرەسىن الىپ بارا جاتقانىن ايتتى.

«جەڭىستىڭ 50 جىلدىعىن ماسكەۋدە قارسى العان ەدىم، ەندى بۇگىن 70 جىلدىعىنا بارا جاتىرمىن. وندا ءوزىمنىڭ قارۋلاس جولداستارىمدى كەزدەستىرۋگە ۇمىتتەنەمىن. ارداگەرلەرگە وسىنداي تەگىن ساپار ۇيىمداستىرعانى ءۇشىن مەملەكەتىمىزگە راحمەت»، - دەپ اتاپ ءوتتى 93 جاستاعى سوعىس ارداگەرى فەدور فەدوتوۆ.

ۇيىمداستىرۋشىلاردىڭ اتاپ وتۋىنشە، بارلىق ارداگەرلەرگە مەملەكەت ەسەبىنەن ءبىر ۇلگىدەگى كيىمدەر تىگىلگەن.